स्नेहलता वसईकरचा जबरदस्त कमबॅक, ‘तुझ्यासाठी तुझ्यासंगं’ या नव्या मालिकेत साकारणार दमदार भूमिका

मराठी अभिनेत्री स्नेहलता वसईकर अनेकदा छोट्या पडद्यावर काम करताना दिसली आहे. तसेच पुन्हा एकदा आता अभिनेत्री मालिकेमध्ये पुनरागमन करण्यासाठी सज्ज झाली आहे.

‘सन मराठी’ वाहिनीवर १४ जुलैपासून ‘तुझ्यासाठी तुझ्यासंगं’ ही नवीकोरी मालिका सुरु होणार आहे. या मालिकेतून पहिल्या नजरेतल्या प्रेमाची गोष्ट प्रेक्षकांना दिसणार आहे. मालिकेच्या प्रत्येक प्रोमोला प्रेक्षकांनी भरभरून उत्सुक होऊन सकारात्मक प्रतिसाद दिला आहे. मालिकेत तेजा-वैदही यांच्यासह आणखी एक दमदार भूमिका पाहायला मिळणार आहे. अभिनेत्री स्नेहलता वसईकर या मालिकेत ‘माईसाहेब’ भूमिकेत नव्या पात्रासह प्रेक्षकांच्या समोर येणार आहे.

प्रसिद्ध अभिनेत्रीचा राहत्या घरी विचित्र अवस्थेत आढळला मृतदेह, ३ आठवड्यानंतर झाला खुलासा

या नव्या भूमिकेबद्दल स्नेहलता म्हणाली की, “‘तुझ्यासाठी तुझ्यासंगं या नव्या मालिकेत मी माईसाहेब ही खलनायिकेची भूमिका साकारत आहे. माईसाहेब ही मुलावर नितांत प्रेम करणारी, राजकारणातील डावपेच खेळणारी, कर्तबगार, गावाची तारणहार आहे. या भूमिकेमध्ये अश्या बऱ्याच छटा दाखवण्यात आल्या आहेत. माझ्या वयापेक्षा जास्त वय असलेली ही भूमिका आहे. यापूर्वी मी स्वतःशी ठरवलं होतं की, आपल्या वयापेक्षा मोठी व्यक्तिरेखा आपण साकारायची नाही. वयापेक्षा मोठं पात्र साकारताना तारेवरची कसरत असते. कायम अलर्ट राहावं लागत. पण मी माईसाहेब या पात्राच्या प्रेमात पडले आणि मला नेहमीच चॅलेंजिंग भूमिका साकारायला आवडतात. मालिकेचे दिग्दर्शक विनोद लवेकर यांनी जेव्हा मला या भूमिकेबद्दल सांगितलं त्या क्षणी मी भूमिकेसाठी तयार झाले.”

 

See more

काय सांगता! बेबो ४४ व्या वर्षी तिसऱ्यांदा आई होणार? करीनाचे मोनोकिनी लूकमधील फोटो चर्चेत

यापुढे स्नेहलता म्हणाली की, “मुख्यतः या भूमिकेचा लूक खूप खास आहे. मला या नव्या लूकमध्ये प्रेक्षक ओळखूच शकत नाही. नाशिकमध्ये या मालिकेचं शूटिंग सुरू आहे. याआधी मुंबईत शूटिंग करत असताना घराकडे लक्ष देता यायचं, पण आता मुंबई-नाशिक असा प्रवास सुरु झाला आहे. माझी मुलगी शौर्या आता १२ वर्षांची आहे. जेव्हा मी या नव्या भूमिकेविषयी तिच्याशी बोलले, तेव्हा तिने मला खूपच सकारात्मक ऊर्जा दिली. ती म्हणाली, “मम्मा तुला खतरनाक रोल करायला मिळतोय, तू नक्की कर. मला माईसाहेब या भूमिकेत तुला बघायचंय.” तिच्या आणि माझ्या नवऱ्याच्या पाठिंब्यामुळेच मी ही भूमिका आनंदाने आणि मनापासून करत आहे.”

अभिनेत्री स्नेहलता वसईकर ही ‘स्वराज्यरक्षक संभाजी’ या टीव्ही मालिकेपासून प्रसिद्ध झाली. यानंतर तिने ‘अनुराधा’ आणि ‘बाजीराव मस्तानी’ या चित्रपटामध्ये काम केले. आता अभिनेत्री पुन्हा एकदा छोट्या पडद्यावर पुनरागमन करण्यासाठी सज्ज झाली आहे. स्नेहलताला या नव्या भूमिकेत पाहण्यासाठी चाहते खूप उत्सुक झाले आहेत.