नानीचा The Paradise होणार दोन भागात प्रदर्शित? जाणून घ्या कधी होणार रिलीज!

अभिनेता नानी यांच्या 'द पॅराडाईज' या चित्रपटाबद्दल ताजी माहिती समोर आली आहे की हा चित्रपट आता दोन भागात प्रदर्शित होणार आहे. 'द पॅराडाईज' चा पहिला आणि दुसरा भाग कधी प्रदर्शित होईल हे आपण आता जाणून घेणार आहोत.

दक्षिणेतील अभिनेता नानी सध्या त्याच्या ‘द पॅराडाईज’ चित्रपटामुळे चर्चेत आहे. हा चित्रपट नानीचा आतापर्यंतचा सर्वात मोठा आणि महागडा चित्रपट असेल असे मानले जाते. आता या चित्रपटाबद्दल एक नवीन माहिती समोर आली आहे की ‘द पॅराडाईज’ दोन भागात प्रदर्शित होणार आहे, हे ऐकल्यानंतर नानीचे चाहते ‘द पॅराडाईज’ बद्दल खूप आनंदी आणि उत्साहित आहेत. हा चित्रपट लवकरच प्रेक्षकांच्या भेटीस येणार आहे. तसेच हा चित्रपट चाहत्यांना कुठे आणि कधी पाहता येणार आहे हे आपण जाणून घेणार आहोत.

कोडावा समाजाने मागितली रश्मिकासाठी सुरक्षा, अमित शहांना लिहिले पत्र; काय आहे संपूर्ण प्रकरण?

‘द पॅराडाईज’चे दिग्दर्शन श्रीकांत ओडेला करत आहेत. या चित्रपटाच्या पहिल्या झलकने चाहत्यांमध्ये चित्रपटाबद्दल उत्सुकता निर्माण झाली आहे. चित्रपटाच्या पोस्टमध्ये नानीचा लूक त्याच्या आतापर्यंतच्या सर्व चित्रपटांपेक्षा पूर्णपणे वेगळा दिसत होता. म्हणूनच नानीचे चाहते या चित्रपटाच्या प्रदर्शनाची आतुरतेने वाट पाहत आहेत, जेणेकरून त्यांना त्यांच्या आवडत्या अभिनेत्याला वेगळ्या रूपात पाहता येणार आहे. अभिनेत्याला या अवतारात पाहण्यासाठी चाहते खूप उत्सुक आहेत.

मीडिया रिपोर्ट्सनुसार, अलिकडच्याच एका मुलाखतीत नानी यांनी त्यांच्या ‘द पॅराडाईज’ चित्रपटाचे वर्णन “मॅड मॅक्स” चे भारतीय आवृत्ती म्हणून केले. आता ताज्या माहितीनुसार, अनेक मोठ्या बजेटच्या चित्रपटांप्रमाणे, ‘द पॅराडाईज’ देखील दोन भागात बनवला जाणार असल्याचे समजले आहे. या चित्रपटाचा पहिला भाग २६ मार्च २०२६ रोजी प्रदर्शित होणार आहे, तर दुसरा भाग येण्यास जास्त वेळ लागू शकतो.

‘हा’ स्पर्धक Celebrity MasterChef चा विजेता होणार ? कोणकोणते सेलिब्रिटी आहेत टॉप ४ मध्ये…

सुधाकर चेरुकुरी एसएलव्ही सिनेमाजच्या बॅनरखाली ‘द पॅराडाईज’ची निर्मिती करत आहेत. नानीच्या या चित्रपटाचे बजेट खूप मोठे असल्याचे मानले जाते. चित्रपटाचे संगीत अनिरुद्ध रविचंदर यांनी दिले आहे. नानी व्यतिरिक्त, ‘द पॅराडाईज’ मधील इतर कलाकारांबद्दल फारशी माहिती नाही. मीडिया रिपोर्ट्सनुसार, ‘द पॅराडाईज’ चित्रपटाची शैली जंगली आणि बोल्ड आहे. श्रीकांत ओडेला यांनी चित्रपटाची कथा १९६० च्या दशकातील एका काल्पनिक माणसाभोवती लिहिली आहे, जो गरीब आणि पीडित लोकांसाठी आशेचा किरण बनून आला होता. ‘द पॅराडाईज’ चित्रपटाचे चित्रीकरण लवकरच सुरू होणार आहे. हे स्पॅनिश सारख्या आंतरराष्ट्रीय भाषांमध्ये देखील प्रदर्शित केले जाणार आहे, जेणेकरून जगभरातील लोक ते पाहू शकतील.