‘पुढील 10 ते 15 दिवसांत माफी मागा अन्यथा…’, पाकिस्तानी डॉनकडून मिथुन चक्रवर्ती यांना धमकी

Mithun Chakraborty: अभिनेता सलमान आणि शाहरुख खाननंतर आता बॉलिवूड अभिनेता आणि भाजप नेता मिथुन चक्रवर्ती यांना धमकी आल्याचा एक व्हिडीओ समोर आला.

पाकिस्तानी डॉनकडून मिथुन चक्रवर्ती यांना धमकी (फोटो सौजन्य-X)

Follow Us:

Follow Us:

गेल्या काही दिवसांपासून मनोरंजन क्षेत्रात धमकी देण्याचे सत्र सुरु आहे. अभिनेता सलमान खानला अनेकदा धमकीचे मेसेज आले होते.त्यानंतर शाहरुख खानला ही धमकी देण्यात आली होती. त्यानंतर आता बॉलिवूड अभिनेता आणि कोलकाता येथील भाजप नेते मिथुन चक्रवर्ती यांना सोशल मीडियावर जाहीरपणे धमकी देण्यात आली आहे. यासंदर्भातील सोशल मीडियावर एक व्हिडिओ समोर आला आहे, ज्यामध्ये दुबईत बसलेल्या एका पाकिस्तानी डॉनने मिथुन चक्रवर्ती यांना धमकी दिली आहे. पाकिस्तानी डॉन शहजाद भाटीने एक व्हिडिओ जारी केला आहे, ज्यामध्ये मिथुन चक्रवर्ती यांना माफी मागण्यास सांगत आहे.

हे सुद्धा वाचा: यवतमाळची गीत बागडे ठरली ‘मी होणार सुपरस्टार छोटे उस्ताद ३’ ची महाविजेती

पाकिस्तानी डॉनची धमकी

दुबईत बसलेल्या पाकिस्तानी डॉनने एक व्हिडिओ पोस्ट करून मिथुन चक्रवर्ती यांना जाहीरपणे धमकी दिली आहे. या व्हिडिओमध्ये शहजादने म्हटले आहे की, तुम्ही 10-15 दिवसांत तुमचा एक व्हिडिओ रिलीज करून माफी मागावी. तुमच्यासाठी माफी मागणे चांगले आहे आणि तुमची माफी योग्य आहे. मिथुन चक्रवर्ती यांच्या वक्तव्यानंतर पाकिस्तानी डॉन शहजाद भाटी भडकला असून आता त्याचा व्हिडिओ सोशल मीडियावर समोर आला आहे.

काय प्रकरण आहे?

गेल्या महिन्यात मिथुन चक्रवर्ती यांनी उत्तर 24 परगणा जिल्ह्यात पक्षाच्या एका कार्यक्रमात भडकाऊ भाषण केले होते आणि त्यानंतरच संपूर्ण गोंधळ झाला होता. यानंतर मिथुन यांच्याविरोधात एफआयआरही दाखल करण्यात आला होता. यासोबतच या भाषणाबाबत बोलायचे झाले तर ते म्हणाले की, आज मी अभिनेता म्हणून नाही तर ६० च्या दशकातील मिथुन चक्रवर्ती म्हणून बोलत आहे. मी रक्ताचे राजकारण केल्यामुळे राजकारणातील डावपेच माझ्यासाठी नवीन नाहीत, असे ते म्हणाले.

 

View this post on Instagram

 

A post shared by Shahzad Bhatti (@shahzadbhatti333)

मिथुनचे विधान चर्चेत

मिथुन पुढे म्हणाला की, मी काहीही केले तर काय होऊ शकते हे मला माहीत आहे. यासाठी जे काही लागेल ते मी करेन, असे मी केंद्रीय गृहमंत्री अमित शहा यांनाही सांगितले आहे. इथे एका नेत्याने सांगितले होते की, हिंदूंची कत्तल करून भागीरथीत बुडवले जाईल, पण मला वाटले की मुख्यमंत्री काहीतरी बोलतील, पण काही झाले नाही आणि आता मी म्हणतोय की मी तुम्हाला तुमच्या भूमीत गाडून टाकेन.

हे सुद्धा वाचा:   नॉमिनेशनची तलवार या बिग बॉसच्या सदस्यांची गळ्यात! कोणाचा होणार पत्ता कट

Web Title: Pakistani don shahzad bhati threatens actor mithun chakraborty from dubai

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com