Pushpa 2 Premiere: ‘पुष्पा 2’ च्या प्रीमियरदरम्यान चेंगराचेंगरी, 1 महिलेचा मृत्यू, 2 मुले जखमी!

सर्वजण अल्लू अर्जुनच्या पुष्पा 2 चित्रपटाची वाट पाहत होते, जी प्रतीक्षा आता संपली आहे पण रिलीज होण्यापूर्वीच, एक वाईट बातमी समोर आली आहे की प्रीमियरमध्ये चेंगराचेंगरी झाल्यामुळे पोलिसांनी लाठीचार्ज केला आहे.

(फोटो सौजन्य - सोशल मीडिया)

Follow Us:

Follow Us:

अल्लू अर्जुनचा ‘पुष्पा 2’ हा चित्रपट अद्याप प्रदर्शित झालेला नाही याआधीच एक वाईट बातमी समोर आली आहे. चित्रपटाच्या प्रीमियरच्या वेळी झालेल्या चेंगराचेंगरीत एका महिलेचा मृत्यू झाला असून ३ जण जखमी झाले आहेत. खरंतर, बुधवारी अल्लू अर्जुन स्क्रिनिंगसाठी हैदराबादच्या संध्या थिएटरमध्ये गेला होता. अशा स्थितीत थिएटरबाहेर जमलेल्या लोकांमध्ये पुष्पाला पाहण्यासाठी चाहत्यांची प्रचंड [प्रमाणात गर्दी निर्माण झाली. त्याला पाहण्यासाठी सर्वजण पुढे आले असता त्यांच्यामध्ये चेंगराचेंगरी झाली. झालेल्या गर्दीवर नियंत्रण ठेवण्यासाठी पोलिसांनी लाठीचार्ज केला, ज्यामध्ये एका महिलेचा मृत्यू आणि तीन जण जखमी झाल्याची बातमी आली आहे, ज्यामुळे सर्वांनाच धक्का बसला आहे.

एक मूल बेशुद्ध झाले
सोशल मीडियावर एक व्हिडिओ व्हायरल होत आहे ज्यामध्ये पुष्पा 2 च्या प्रीमियरला आलेले एक लहान मूल चेंगराचेंगरीत बेशुद्ध झाले. त्याला मांडीवर घेऊन जाणारे त्याचे कुटुंबीय खूपच व्यथित झालेले दिसतात आणि पोलीसही त्यांना मदत करताना या व्हिडीओमध्ये दिसत आहेत. तुम्ही व्हिडिओमध्ये पाहू शकता की, मुलाचे कुटुंबीय त्याला सीपीआर देताना दिसत आहेत.

महिलेचा झाला मृत्यू
या चेंगराचेंगरीत एका महिलेचा मृत्यू झाला आहे, तर अनेक जण जखमी झाले आहेत. पोलिसांच्या मदतीने जखमींना जवळच्या रुग्णालयात दाखल करण्यात आले. मृत महिलेची अद्याप ओळख पटलेली नाही आणि तिच्याबद्दल अधिक माहिती मिळालेली नाही. फक्त अभिनेत्याला पाहण्यासाठी चाहत्यांमध्ये हा गोंधळ उडाला आहे. जखमीं झालेल्या लोकांवर रुग्णालयात उपचार सुरू झाले आहेत.

A boy lost consciousness in a stampede during the premiere show of #Pushpa 2 at Sandhya Theatre, RTC Cross Road in #Hyderabad. His condition is reported to be critical. pic.twitter.com/PPZsRALe3V

— Sumit Jha (@sumitjha__) December 4, 2024

‘पुष्पा २’ सर्वांपर्यंत पोहोचणार, दिव्यांगांसाठी केलीये निर्मात्यांनी ‘अशी’ व्यवस्था

वीकेंडला चित्रपटाची चांगली कमाई
‘पुष्पा 2’ पाच भाषांमध्ये रिलीज होणार आहे, ज्यामध्ये तेलुगू, हिंदी, कन्नड, मल्याळम आणि तामिळ यांचा समावेश आहे. चित्रपटाच्या ॲडव्हान्स बुकिंगने आधीच रेकॉर्ड तोडले आहेत आणि असा अंदाज आहे की चित्रपट पहिल्या वीकेंडमध्ये 200 कोटींहून अधिक कमाई करेल. सध्या, या चित्रपटाने पहिल्या दिवशी ॲडव्हान्स बुकिंगमधून 62.21 कोटी रुपयांची कमाई केली आहे, जे या चित्रपटाच्या यशाचे सर्वात मोठे संकेत आहे. एकूणच, ‘पुष्पा 2’ आणखी एक मोठा हिट ठरताना दिसत आहे, जो आपल्या स्फोटक कथा आणि जबरदस्त अभिनयाद्वारे प्रेक्षकांना थिएटरकडे आकर्षित करणार आहे.

Web Title: Pushpa 2 allu arjun arrived hyderabad premiere police lathi charge 1 woman dead 3 injured

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com