आमिर खानने राज ठाकरेंसह साजरी केली रमजान ईद, घराबाहेरील गळाभेटीचा व्हिडिओ समोर

राज ठाकरे यांनी रमजान ईद निमित्त आमिर खानच्या घरी भेट दिल्याचे वृत्त आहे. आमिर खान आणि राज ठाकरे यांचा घराबाहेरील गळाभेटीचा व्हिडिओ देखील आता व्हायरल होत आहे.

• आमिर खानने राज ठाकरेंसह साजरी केली ईद
• घराबाहेरील गळाभेटीचा व्हिडिओ समोर
• आमिर खान आणि राज ठाकरे यांना पाहून चाहते खुश

 

रमजान ईदचा सण देशभरात मोठ्या उत्साहात साजरा झाला आणि याच उत्सवाच्या पार्श्वभूमीवर बॉलीवूडमधील खास क्षण समोर आले. तसेच आमिर खान यांनी आपल्या घरी ईद साजरी करताना कुटुंबीय, मित्रपरिवार आणि काही खास पाहुण्यांना आमंत्रित केले होते. या पाहुण्यांमध्ये राज ठाकरे यांची देखील उपस्थिती विशेष चर्चेचा विषय ठरली आहे. या दोघांचे एकत्र व्हिडिओ देखील आता व्हायरल होत आहेत.

ईदच्या या खास सेलिब्रेशनदरम्यान आमिर खान आणि राज ठाकरे यांची भेट सोशल मीडियावर मोठ्या प्रमाणात व्हायरल होत आहे. समोर आलेल्या व्हिडिओमध्ये ‘मिस्टर परफेक्शनिस्ट’ म्हणून ओळखला जाणारे आमिर खान, राज ठाकरे यांना निरोप देण्यासाठी स्वतः घराबाहेर येताना दिसले आहेत. विशेष म्हणजे, अभिनेता अनवाणी पायांनी बाहेर येऊन त्यांची भेट घेताना दिसत आहे, ज्यामुळे चाहत्यांचे लक्ष अधिक वेधले गेले आहे.

‘कल्कि 2898 AD २’ च्या सीक्वेलसाठी या साऊथ अभिनेत्याची एन्ट्री, शूटिंग लवकरच होणार सुरु

या व्हिडिओमध्ये दोघे एकमेकांना मिठी मारताना आणि ‘ईद मुबारक’च्या शुभेच्छा देताना दिसत आहेत. राज ठाकरे आपल्या कुटुंबासह या भेटीसाठी उपस्थित राहिले होते आणि त्यांनीही पारंपरिक पांढरा कुर्ता-पायजमा परिधान केला होता. या प्रसंगी आमिर खानने त्यांच्या कुटुंबीयांशी संवाद साधत सणाच्या शुभेच्छा दिल्या. राज ठाकरे निघून गेल्यानंतर आमिरने बाहेर उपस्थित फोटोग्राफर्सना पोझ देत चाहत्यांनाही अभिवादन केले.

 

See more

या भेटीमुळे पुन्हा एकदा समाजातील सांस्कृतिक ऐक्याचा सुंदर संदेश समोर आला आहे. विविध धर्म आणि पार्श्वभूमी असलेले लोक एकत्र येऊन सण साजरा करताना दिसणे, हीच भारतीय संस्कृतीची खरी ओळख असल्याचे अनेकांनी सोशल मीडियावर नमूद केले आहे. दरम्यान, आमिर खानच्या कामाबद्दल बोलायचे झाल्यास, तो सध्या आपल्या आगामी प्रोजेक्ट्सच्या तयारीत व्यस्त आहे. अलीकडेच त्याने सांगितले की, गेल्या सहा महिन्यांपासून तो फक्त स्क्रिप्ट्स ऐकण्यावर लक्ष केंद्रित करत आहे. योग्य कथा निवडून प्रेक्षकांसमोर काहीतरी वेगळं सादर करण्याचा त्याचा प्रयत्न आहे.

”लाज वाटायला हवी…”, ‘Dhurandhar 2’ ला प्रपोगंडा म्हणणाऱ्यांवर अनुपम खेर यांनी केली जोरदार टीका, व्हि़डिओ पोस्ट करत म्हणाले…

याशिवाय, त्याच्या प्रॉडक्शन हाऊसअंतर्गत दोन महत्त्वाचे चित्रपट लवकरच प्रदर्शित होणार आहेत. ‘एक दिन’ या चित्रपटात जुनैद खान आणि सई पल्लवी प्रमुख भूमिकेत दिसणार असून, हा चित्रपट 1 मे रोजी प्रदर्शित होणार आहे. त्यानंतर ‘लाहोर 1947’ हा बहुप्रतिक्षित चित्रपट ऑगस्टमध्ये प्रेक्षकांच्या भेटीला येणार आहे. एकूणच, ईदच्या निमित्ताने झालेली आमिर खान आणि राज ठाकरे यांची ही भेट सध्या चर्चेचा विषय ठरत असून, त्यातून सणाचा आनंद, आपुलकी आणि सांस्कृतिक ऐक्याचा सुंदर संदेश पुन्हा एकदा अधोरेखित झाला आहे.