सलमान खानच्या आणखी एका क्रिप्टिक पोस्टने वेधले लक्ष, ‘भाईजान’ चा नक्की कोणाकडे इशारा?

सलमान खानने पुन्हा एकदा त्याच्या इंस्टाग्रामवर एक फोटो शेअर केला आहे ज्यासोबत त्याने एक क्रिप्टिक नोट लिहिली आहे. त्याची पोस्ट आता चाहत्यांचे लक्ष वेधून घेत आहे. अभिनेत्याने नक्की कोणाला इशारा केला आहे जाणून घेऊयात.

बॉलीवूड सुपरस्टार सलमान खान हा कोणत्या ना कोणत्या कारणाने नेहमीच चर्चेत असतो. काही काळापूर्वीपर्यंत भाईजानला त्याच्या वाढत्या वजनामुळे ट्रोल केले जात होते. ‘सिकंदर’ चित्रपटाच्या फ्लॉपनंतर अभिनेता आता त्याच्या पुढच्या चित्रपटासाठी प्रसिद्धीच्या झोतात आला आहे. सलमान त्याच्या गूढ पोस्ट्सद्वारे चाहत्यांचे लक्ष वेधून घेत आहे. दोन दिवसांपूर्वी त्याने जिममधील त्याचे फोटो शेअर करताना एक क्रिप्टिक नोट देखील लिहिली. त्याच्या चाहत्यांना त्याचा अर्थ अद्याप समजला नाही आहे अभिनेत्याची ही क्रिप्टिक पोस्ट आता सोशल मीडियावर व्हायरल होत आहे.

‘ You’re cheater…’, ‘The Traitors’ च्या पहिल्या सीझनची विजेती होताच उर्फी जावेद ट्रोल, नेटकरी संतापले

क्रिप्टिक नोटने वेधले लक्ष
सलमान खानने गुरुवारी मध्यरात्री स्वतःच्या इस्टाग्रामवर त्याचा फोटो शेअर केला. त्यासोबत दिलेल्या कॅप्शनमध्ये त्याने एक गूढ नोट लिहिली आहे, जी अचानक लोकांचे लक्ष वेधून घेत आहे. फोटोमध्ये, भाईजान वजन वाढल्यानंतर आता बराच तंदुरुस्त आणि ठीक दिसत आहे. निळ्या टी-शर्ट आणि डेनिम जीन्समध्ये त्याचा आकर्षक लूक पाहण्यासारखा आहे. या फोटोला आता चाहत्यांचा चांगला प्रतिसाद मिळत आहे. सलमान खानने चाहत्यांसोबत फोटो शेअर करत कॅप्शनमध्ये लिहिले, ‘योग्य दिशेने कठोर परिश्रम करा. त्यांच्यावर तो दयाळू होणार आहे आणि तो त्यांच्याच कौशल्याने बनेल कुस्तीगीर. इंग्रजीत भाषांतर स्वतः करा.’ असे लिहून अभिनेत्याने ही पोस्ट शेअर केली आहे.

 

See more

भाईजान कोणाला इशारा करत आहे?
सलमान खानची गूढ नोट पाहिल्यानंतर, चाहते असा अंदाज लावत आहेत की कदाचित तो एखाद्या आगामी प्रोजेक्टबद्दल इशारा देत आहे. एका वापरकर्त्याने लिहिले, ‘काहीतरी नवीन येत आहे असे दिसते, भाऊ, नेहमीच सक्रिय आहे.’ दुसऱ्या वापरकर्त्याने लिहिले, ‘टायगर नेहमीच तयार असतो.’ तिसऱ्या वापरकर्त्याने लिहिले, ‘काय कॅप्शन भाईजान.’ दुसऱ्या वापरकर्त्याने लिहिले, ‘भाईजान नेहमीच रॉक करतो.’ असे लिहून चाहत्यांनी पोस्टला चांगला प्रतिसाद दिला आहे.

अर्जुन कपूरच्या बहिणीने उरकला साखरपुडा, बॉयफ्रेंडने परदेशात केले प्रपोज; कपूर कुटुंबाचा भावी जावई आहे तरी कोण?

याआधीही सलमान खानने शेअर केली होती गूढ पोस्ट
याआधीही सलमान खानने त्याच्या इस्टाग्रामवर काही फोटो शेअर केले होते. त्यात भाईजान जिममध्ये एका इंटेन्स लूकमध्ये दिसत होता. तथापि, फोटोंसोबतच्या गूढ नोटनेही लक्ष वेधून घेतले. अभिनेत्याने लिहिले होते की, ‘काळजी घ्या आणि आरशात दिसणाऱ्या व्यक्तीचे रक्षण करा… फक्त तेच काम करेल.’ आता अभिनेता सलमान खान कोणते आगामी चित्रपट घेऊन येत आहे याकडे प्रेक्षकांचं लक्ष आहे.