Sana Makbul ‘या’ आजाराने ग्रस्त, ‘बिग बॉस ओटीटी ३’ विजेती अभिनेत्रीच्या प्रकृतीबाबत समोर आले अपडेट!

सना मकबूल तिच्या प्रकृतीबाबत चर्चेत आहे. काल अभिनेत्रीचा हॉस्पिटलच्या बेडवरून फोटो व्हायरल झाला होता. आता सना मकबूलच्या प्रकृतीबाबत अपडेट समोर आला आहेत. अभिनेत्री कोणत्या आजाराने ग्रस्त आहे जाणून घेऊयात.

‘बिग बॉस ओटीटी ३’ ची विजेती आणि अभिनेत्री सना मकबूल काल अचानक प्रसिद्धीच्या झोतात आली आहे. कारण तिचा हॉस्पिटलमधील फोटो सोशल मीडियावर व्हायरल झाला. फोटोमध्ये, अभिनेत्री हॉस्पिटलच्या बेडवर दिसत आहे. अभिनेत्रीला पाहून तिचे चाहतेही अस्वस्थ झाले. कालपर्यंत सनाला हॉस्पिटलमध्ये का दाखल करण्यात आले हे कळले नव्हते? आता अभिनेत्रीशी संबंधित एका जवळच्या सूत्राने तिच्या प्रकृतीबद्दल अपडेट दिले आहे आणि सांगितले आहे की सना मकबूल ऑटोइम्यून डिसऑर्डरने ग्रस्त आहे.

पोस्ट काल व्हायरल झाली
काल डॉ. आशना कांचवालाने तिच्या इंस्टाग्राम स्टोरीवर एक पोस्ट शेअर केली होती ज्यामध्ये सना मकबूल हॉस्पिटलच्या बेडवर डोके टेकवून बसलेली दिसत होती. चिंतेत असलेला अभिनेत्रीचा चेहरा खूप निराश दिसत होता. हा फोटो शेअर करताना आशना कांचवालाने लिहिले, ‘माझी मजबूत दिवा.. मला तुझा खूप अभिमान आहे की तू इतक्या कठीण काळातही ताकद आणि लवचिकता दाखवत आहेस.’

राजकुमार रावच्या ‘Maalik’ चित्रपटात प्रोसेनजीत चॅटर्जीची एंट्री कन्फर्म, अभिनेत्याने दिली अपडेट!

पोस्टमध्ये पुढे लिहिले होते, ‘सना तू इतक्या गंभीर परिस्थितीतून जात आहेस. इंशा अल्लाह, तू या सोबत लढशील आणि पूर्वीपेक्षाही अधिक ताकदीने बाहेर पडशील. अल्लाह तुझ्यासोबत आहे. मी नेहमीच तुझ्यासोबत उभी आहे. सना तुला खूप प्रेम.’ ही पोस्ट येताच सना मकबूलला काय झाले असा एकच गोंधळ उडाला आहे.

बाप्पा जोशींचं मराठी रंगभूमीवर दमदार पुनरागमन, लवकरच ‘या’ नाटकातून रंगभूमीवर मारणार अफलातून एन्ट्री

जवळच्या मैत्रिणीने आजाराची माहिती दिली
इंडिया फोरम्सच्या अहवालानुसार, सना मकबूल गेल्या काही दिवसांपासून ऑटोइम्यून डिसऑर्डरच्या गुंतागुंतीने ग्रस्त आहे. तिची प्रकृती गंभीर आहे. तिला ओळखणारे लोक इतक्या गंभीर परिस्थितीतही तिच्या सकारात्मक विचारसरणी, शांतता आणि असाधारण ताकदीबद्दल अभिनेत्रीचे कौतुक होत आहे. तसेच, सना मकबूलने अद्याप तिच्या वतीने कोणतेही विधान जारी केलेले नाही, ज्यामध्ये तिच्या प्रकृतीबद्दल कोणतीही अपडेट देण्यात आली नाही. सध्या चाहते सना लवकरात लवकर बरी व्हावी अशी प्रार्थना करत आहेत.