गुरुवार, 29 ऑक्टोबर 2026
(फोटो सौजन्य- इन्स्टाग्राम)
आलिया भट्टची बहीण शाहीन भट्टने २०२५ मध्ये फिटनेस कोच इशान मेहरासोबतचे तिचे नाते इंस्टाग्रामवर जाहीर केले. हे जोडपे सोशल मीडियावर चर्चेत आहे. विशेष म्हणजे, आता या जोडप्याचा साखरपुडा झाला आहे. १७ एप्रिल रोजी, शाहीनने सोशल मीडियावर तिच्या पार्टनरसोबतचे अनेक फोटो शेअर करून तिच्या नात्याची घोषणा केली.
काही काळापूर्वी, शाहीन भट्टने तिच्या प्रपोजलचे फोटो शेअर केले होते. फोटोंमध्ये, ती इशान मेहरासोबत पोज देताना आणि तिची सुंदर साखरपुड्याची अंगठी दाखवताना दिसत आहे. फोटोंवरून असे दिसून येते की, इशानने आपल्या स्वप्नसुंदरीला प्रपोज करण्यासाठी एका सुंदर जागेची निवड केली होती. फोटोंसोबत, शाहीनने एक मजेशीर टीप लिहिली, “आपण एकमेकांना आवडण्याच्या बाबतीत कदाचित जरा जास्तच केले आहे.”
तिने फोटो शेअर करताच, तिच्या पोस्टवर अनेकांनी कमेंट करत तिला शुभेच्छा दिल्या आहेत. आलिया भट्ट आणि सोनी राझदान यांनीही शाहीनच्या पोस्टवर गोड प्रतिक्रिया दिल्या. अनन्या पांडेने लिहिले, “शाहीन! तुझ्यासाठी खूप आनंद झाला. तुला खूप प्रेम आणि सुख मिळो. अर्जुन कपूरने लाल हृदयाचा इमोजी पाठवला. दिग्दर्शक झोया अख्तरने लिहिले, “अभिनंदन!” शाहरुख खानची मॅनेजर पूजा दादलानीनेही लिहिले, “अभिनंदन!!!!” शाहीनचा एक्स प्रियकर आणि कॉमेडियन रोहन जोशीनेही या जोडप्याचे अभिनंदन केले. त्याने लिहिले, “अरे देवा, अरे देवा, अभिनंदन!
View this post on Instagram
बॉलिवूड कलाकरांसोबतच तिच्या चाहत्यांनी देखील कमेंट्स करून त्या दोघांना शुभेच्छा दिल्या आहेत.का चाहत्याने लिहिले, “हे पाहून माझं मन भरून आलं. किती गोड सरप्राईज आहे! तुम्हाला मिठी मारण्यासाठी आणि माझ्या मनःपूर्वक शुभेच्छा देण्यासाठी मी आतुर आहे. तुम्हाला आणि इशानला खूप खूप प्रेम आणि सुख.” दुसऱ्या एका चाहत्याने लिहिले, “मी तुम्हा दोघांना ओळखतही नाही, म्हणजे, मी तुला @shaheenb ओळखते, पण वैयक्तिकरित्या नाही. तरीही, हे फोटो पाहून मला खूप आनंद झाला! अशा अनेक कमेंट या पोस्टवर आल्या आहेत.
