कमल हसन यांना सर्वोच्च न्यायालयाकडून झटका, धमक्यांपासून संरक्षणाच्या मागणीला दिला नकार

सर्वोच्च न्यायालयाने काय म्हटले?
कमल हसन अभिनीत ‘ठग लाईफ’ चित्रपटाच्या वादामुळे कर्नाटक थिएटर असोसिएशनने सुरक्षेसाठी सर्वोच्च न्यायालयात याचिका दाखल केली होती. सुनावणीदरम्यान, न्यायमूर्ती प्रशांत कुमार मिश्रा आणि न्यायमूर्ती मनमोहन यांच्या खंडपीठाने कर्नाटक थिएटर असोसिएशनला कर्नाटक उच्च न्यायालयात जाण्यास सांगितले. याशिवाय, न्यायमूर्ती प्रशांत मिश्रा यांनी या प्रकरणाची त्वरित सुनावणी करण्यास नकार दिला आणि सांगितले की थिएटरमध्ये अग्निशामक यंत्रे बसवावीत आणि याचिकाकर्त्याला उच्च न्यायालयात जाण्यास सांगितले.

काय आहे संपूर्ण प्रकरण?
अभिनेते कमल हसन यांनी त्यांच्या ‘ठग लाईफ’ चित्रपटाच्या प्रमोशन दरम्यान कन्नड भाषेवर वादग्रस्त टिप्पणी केली होती, त्यानंतर त्यांना खूप विरोध झाला आणि कर्नाटकात त्यांचा चित्रपट प्रदर्शित न करण्याची मागणी करण्यात आली. हे पाहता, कमल हसन यांचा ‘ठग लाईफ’ हा चित्रपट कर्नाटक वगळता सर्वत्र ५ जून रोजी प्रदर्शित झाला. तेव्हापासून कर्नाटकातील चित्रपटगृहांना धमक्या मिळत आहेत. थिएटर असोसिएशनच्या वतीने याचिका दाखल करणाऱ्या एका वकिलाने सांगितले की, चित्रपटाच्या प्रदर्शनाला विरोध करणारे काही गट उघडपणे धमक्या देत आहेत की सिनेमागृहे जाळून टाकली जातील. यासंदर्भात सर्वोच्च न्यायालयात याचिका दाखल करण्यात आली होती.

राज ठाकरे यांच्या सोबतच्या अफेअरच्या अफवांवर अखेर आता सोनाली बेंद्रेने सोडले मौन, म्हणाली- ‘जेव्हा लोक असे बोलतात…’

‘ठग लाईफ’ चित्रपटाबद्दल
कमल हसन यांचा ‘ठग लाईफ’ हा चित्रपट ५ जून रोजी थिएटरमध्ये प्रदर्शित झाला आहे. हा चित्रपट एक गँगस्टर अ‍ॅक्शन ड्रामा चित्रपट आहे. हा चित्रपट मणिरत्नम यांनी दिग्दर्शित केला आहे. कमल हसन या चित्रपटाचे सह-लेखक आणि सह-पटकथालेखक आहेत. बऱ्याच वर्षांनंतर कमल हसन यांनी या चित्रपटात मणिरत्नमसोबत काम केले आहे.

संबंधित बातम्या