भारतीय इतिहासातील महागाथा “आदि शंकराचार्य” वेबसिरीजचे पोस्टर झाले रिलीज!

श्री आदि शंकराचार्य यांचे जीवनकार्य मांडणारी वेबसिरीज "आदि शंकराचार्य" लवकरच प्रेक्षकांच्या भेटीस येणार आहे. या वेब सिरीजचा पहिला सीझन लवकरच OTT वर प्रदर्शित होणार आहे. तसेच "आदि शंकराचार्य" च्या पहिल्या भागानंतर या दुसरा भाग देखील लवकरच प्रदर्शित होईल.

भारतीय सांस्कृतिक इतिहासातील ‘आदि शंकराचार्य’ या महाकथेचे पोस्टर रिलीज करण्यात आले आहे. श्री पब्लिकेशन ट्रस्ट आणि ONM मल्टीमीडिया निर्मित, “आर्ट ऑफ लिव्हिंग” द्वारे ही मालिका सादर केली जात आहे. या भव्य मालिकेचे लेखक आणि दिग्दर्शक ओंकार नाथ मिश्रा यांनी केले आहेत. या मालिकेत आपल्या देशाचे महान नायक, श्री आदि शंकराचार्य यांचे जीवनकार्य यांचे उत्कृष्टपणे चित्रण करण्यात आले आहे, ज्यांनी राष्ट्राची पुनर्बांधणी करताना चारही बाजूंनी भारताच्या सीमा सुरक्षित केल्या. मालिकेच्या पहिल्या सीझनमध्ये एकूण दहा भाग प्रेक्षकांना पाहायला मिळणार आहेत, ज्यामध्ये बालक श्री शंकरच्या जन्मापासून ते त्यांच्या निवृत्तीपर्यंतच्या प्रमुख घटना प्रेक्षकांना पाहता येणार आहेत.

लेखक दिग्दर्शक ओंकार नाथ मिश्रा यांनी ही कथा दूरचित्रवाणी आणि चित्रपटांतील अनेक प्रस्थापित कलाकारांसोबत चित्रित केली आहे. अर्णव खनिजो या मालिकेत आदि शंकराचार्याची भूमिका साकारणार आहे. सोनी टीव्हीच्या यशोमती मैया या कार्यक्रमात देवकीची भूमिका साकारणारे सुमन गुप्ता आणि झी टीव्हीच्या रामायण शोमध्ये रामाची भूमिका साकारणारे गगन मलिक, संदीप मोहन, योगेश महाजन, कुणाल सिंग राजपूत आणि अरुण शेखर यांसारखे दूरदर्शन आणि चित्रपटातील मोठे आणि प्रस्थापित कलाकार या मालिकेत दिसणार आहे. ‘गदर 2’ या चित्रपटात मुख्य खलनायकाची भूमिका साकारणारा मनीष वाधवा देखील या मालिकेत मुख्य भूमिकेत दिसणार आहे पण या मालिकेच्या दुसऱ्या सीझनमध्ये प्रेक्षकांना त्याची भूमिका पाहायला मिळणार आहे.

हे देखील वाचा- ॲमेझॉन एमएक्स प्लेयरने ‘इश्क इन द एअर’ सिरींजचा ट्रेलर केला प्रदर्शित! 

“आदि शंकराचार्य” या वेबसिरीजचे लेखक आणि दिग्दर्शक ओंकार नाथ मिश्रा या मालिकेबद्दल म्हणाले की, “आज जग पुन्हा धार्मिक कट्टरता, दहशतवाद, सांप्रदायिकता, जातिवाद, अलिप्तता, संधीसाधूपणा, फसवणूक आणि अविश्वास अशा अनेक समस्यांशी झुंजत आहे. या सर्व समस्यांवर श्री शंकराचे अद्वैत तत्वज्ञान हे एकमेव उत्तर आहे. आठवे शतक हे भारतासाठी सामाजिक, राजकीय आणि आध्यात्मिक पातळीवर अत्यंत अंधाराचे आणि अधोगतीचे युग होते. आपल्या राष्ट्राच्या धर्माची आणि संस्कृतीची अशी अवस्था पाहून आठ वर्षांचा मुलगा शंकर राष्ट्राच्या सामाजिक, राजकीय आणि आध्यात्मिक उन्नतीसाठी लढला. या मालिकेचे चित्रीकरण बंगळुरू आणि केरळच्या नयनरम्य ठिकाणी तसेच मुंबईच्या स्टुडिओमध्ये करण्यात आले आहे. “आदि शंकराचार्य” वेब सिरीजचा पहिला सीझन लवकरच OTT वर प्रदर्शित होणार आहे.