(फोटो सौजन्य - सोशल मीडिया)
‘द ग्रेटेस्ट राइवलरी इंडिया वर्सेस पाकिस्तान’ या चित्रपटाच्या प्रदर्शनाची तारीख जाहीर करण्यात आली आहे. ही एक नवीन माहितीपट मालिका आहे जी भारत आणि पाकिस्तानमधील जुन्या क्रिकेट स्पर्धा आणि कथेवर आधारित असणार आहे. हा चित्रपट प्रेक्षकांना ओटीटी प्लॅटफॉर्मवर प्रदर्शित होणार आहे. हा चित्रपट पाहण्यासाठी चाहते आता उत्सुक आहेत. तसेच हा चित्रपट कुठे प्रदर्शित होणार हे आपण जाणून घेणार आहोत.
नेटफ्लिक्सवर होणार प्रदर्शित
क्रिकेटवर आधारित ही मालिका ७ फेब्रुवारी २०२५ रोजी नेटफ्लिक्सवर प्रदर्शित होणार आहे. नेटफ्लिक्सने त्यांच्या अधिकृत इंस्टाग्राम हँडलवर अधिकृत पोस्टरसह ही बातमी शेअर केली आणि लिहिले, “दोन राष्ट्रे, एक महाकाव्य स्पर्धा, १.६ अब्ज प्रार्थना. ७ फेब्रुवारी रोजी नेटफ्लिक्सवर येणाऱ्या ‘द ग्रेटेस्ट राइवलरी इंडिया वर्सेस पाकिस्तान’ या मालिकेतील एका अनोख्या वारशाचा थरार पहा.” असे लिहून नेटफ्लिक्सने ही पोस्ट शेअर केली आहे. हा चित्रपट पाहण्यासाठी चाहते आता उत्सुक आहेत.
सनी देओल- संजय दत्तच्या BAAP बद्दल समोर आली महत्वाची अपडेट, केव्हा होणार चित्रपट रिलीज ?
चाहत्यांचा मिळाला प्रतिसाद
जेव्हा जेव्हा भारत-पाकिस्तान संघ क्रिकेटच्या मैदानावर एकमेकांशी भिडतात. दोन्ही देशांच्या क्रिकेट चाहत्यांमध्ये वेळोवेळी एक वेगळाच उत्साह दिसून येतो. नेटफ्लिक्सची ही पोस्ट समोर आल्यानंतर, क्रिकेट चाहते सोशल मीडियावर आपले मत मांडत आहेत. एका वापरकर्त्याने लिहिले, ‘खेळांचे बॉलीवूड’, दुसऱ्या वापरकर्त्याने लिहिले, ‘अगदी खरा सिनेमा’, तिसऱ्या वापरकर्त्याने लिहिले, ‘कोहली मैदानात उतरतो, कोहली मैदानाबाहेर जातो.’ असे लिहून चाहत्यांचे प्रतिसाद मिळाले आहेत.
चाहत्यांची प्रतीक्षा संपली
क्रिकेट चाहत्यांची प्रतीक्षा अखेर संपली आहे. ७ फेब्रुवारी रोजी नेटफ्लिक्सवर भारत विरुद्ध पाकिस्तान हा माहितीपट रिलीज होणार आहे. जो उत्साह, अभिमान आणि अ‍ॅड्रेनालाईनला पुन्हा जागृत करणार आहे. हा माहितीपट केवळ क्रीडा आणि इतिहासाच्या अनेक रोमांचक कथा समोर आणणार आहे. सर्वात मोठी स्पर्धा: भारत विरुद्ध पाकिस्तान हे खरोखरच सर्वात मोठी स्पर्धा राहिलेल्या सामन्यांमध्ये आघाडीवर आहे. ही मालिका क्रिकेटच्या मैदानापलीकडच्या वैयक्तिक कथांवर प्रकाश टाकणार आहे.
Moana: कॉपीराइट्सबाबत डिस्नेवर कोट्यवधी डॉलर्सचा खटला दाखल, जाणून घ्या सविस्तर!
चित्रपटात काय खास असेल?
मीडिया रिपोर्ट्सनुसार, नेटफ्लिक्सवरील आगामी माहितीपटात वीरेंद्र सेहवागपासून शोएब अख्तरपर्यंत सर्वांमधील संघर्ष दाखवण्यात येणार आहे. त्याच वेळी, आपल्याला वीरेंद्र सेहवाग आणि सौरव गांगुली सारख्या दिग्गजांसह भारत-पाकिस्तान एकदिवसीय मालिकेचा आनंद घेण्याची संधी मिळणार आहे. या माहितीपट मालिकेत सेहवाग आणि गांगुली व्यतिरिक्त सुनील गावस्कर, रविचंद्रन अश्विन, शोएब अख्तर, वकार युनूस, जावेद मियांदाद आणि इंझमाम-उल-हक देखील दिसतील. ‘द ग्रेटेस्ट राइवलरी इंडिया वर्सेस पाकिस्तान’ हा चित्रपट चंद्रदेव भगत स्टीवर्ट सुग यांनी दिग्दर्शित केला आहे, तर हा माहितीपट ग्रे मॅटर एंटरटेनमेंट आणि पायल माथूर भगत यांनी तयार केला आहे.
.png "Videos"){kind=small}
