(फोटो सौजन्य - इन्स्टाग्राम)
शुक्रवारी, बॉलीवूड अभिनेता वरुण धवनने मुंबईतील प्रसिद्ध गणपती पंडाल, लालबागचा राजा येथे भेट देऊन बाप्पाचे दर्शन घेतले आहे. तो पिवळा कुर्ता घालून गणपती बाप्पाचे दर्शन घेण्यासाठी तिथे पोहचला. दर्शनापूर्वी आणि नंतर, वरुणने पापाराझींना बरेच फोटो दिले आणि त्याच्या अनेक चाहत्यांनाही भेट दिली. तसेच अभिनेत्याला पाहण्यासाठी चाहत्यांची गर्दी जमली. आता वरूनचा हा व्हिडीओ सोशल मीडियावर व्हायरल होत आहे.
वरुण धवनने गणपती बाप्पाचे घेतले दर्शन
अनेक व्हायरल व्हिडिओंमध्ये वरुण धवन लालबागच्या राजाला भेट देताना दिसत आहे. तो गणपतीच्या मूर्तीसमोर डोके टेकवून बराच वेळ प्रार्थना करताना दिसत आहे. वरुणने गणपती बाप्पाचा प्रसादही घेतला. वरुण व्यतिरिक्त, अनेक बॉलीवूड अभिनेते आणि अभिनेत्री देखील लालबागच्या राजाला दर्शनासाठी पोहोचत आहेत. ज्यासगळ्यांचे व्हिडीओ आता सोशल मीडियावर व्हायरल होत आहे.
‘सनी संस्कार की तुलसी कुमारी’च्या टीझरने वाढवली चाहत्यांची उत्सुकता, म्हणाले ‘फुल धमाका’
View this post on Instagram
अभिनेत्याने काढले चाहत्यांसोबत फोटो
पंडालमध्ये जाण्यापूर्वी आणि नंतर, वरुण धवनला पाहण्यासाठी चाहत्यांची गर्दी जमली होती. अशा परिस्थितीत, अभिनेत्याने सर्वांना नमस्कार केला आणि काही पोलिस अधिकारी आणि चाहत्यांसोबत फोटोही काढले. वरुणने कोणत्याही चाहत्याला निराश केले नाही. नंतर तो पापाराझीच्या स्कूटरवर बसलेला देखील दिसला. याद्वारे तो गर्दीच्या ठिकाणाहून बाहेर पडताना दिसला आहे.
आगामी चित्रपटाचा टीझर प्रदर्शित
लालबागचा राजा दर्शनापूर्वी, वरुण धवनच्या आगामी ‘सनी संस्कार की तुलसी कुमारी’ या चित्रपटाचा टीझर देखील प्रदर्शित झाला आहे. या चित्रपटात त्याच्यासोबत जान्हवी कपूर देखील मुख्य भूमिकेत आहे. हा एक हलकाफुलका विनोदी चित्रपट आहे. यात रोहित सराफ आणि सान्या मल्होत्रा देखील दिसणार आहेत. ‘थामा’ चित्रपटात देखील वरुण धवन पाहुण्या कलाकारात दिसणार आहे, तो त्यात ‘भेडिया’ची भूमिका साकारताना दिसणार आहे.
