(फोटो सौजन्य- इन्स्टाग्राम)
शेखर ज्योती गोस्वामी यांना चौकशीसाठी ताब्यात घेतल्यानंतर अटक करण्यात आल्याची माहिती पोलिस अधिकाऱ्यांनी दिली आहे. परंतु, त्यांच्यावरील आरोपांची माहिती अद्याप समोर आलेली नाही आहे. त्यांच्याविरुद्ध औपचारिक आरोप दाखल केले जातील की नाही हे देखील स्पष्ट नाही. काही माध्यमांच्या वृत्तानुसार शेखर ज्योती हे जुबिनचे जवळचे सहकारी होते आणि काहींच्या मते ते त्यांच्या बँडमध्ये ड्रमर होते. पोलिसांनी अद्याप या प्रकरणावर अधिकृत निवेदन जारी केलेले नाही.
OG Collection: पवन कल्याणच्या ‘OG’ने तोडला ‘सैयारा’चा रेकॉर्ड, पहिल्याच दिवशी एवढी कमाई
सिंगापूरमध्ये दुःखद अपघात
उल्लेखनीय आहे की जुबिन गर्ग हे ईशान्य भारत महोत्सवात सहभागी होण्यासाठी आणि सादरीकरण करण्यासाठी सिंगापूरला गेले होते. स्कूबा डायव्हिंग करताना ते बुडाले. आणि त्यांना श्वास घेण्यास त्रास झाला. त्यांना वाचवण्यासाठी डॉक्टरांनी त्यांचे सर्वतोपरी प्रयत्न केले, परंतु त्यांना वाचवू शकले नाहीत. या अपघातामुळे त्यांच्या चाहत्यांमध्ये आणि संपूर्ण आसाममध्ये शोककळा पसरली आहे. जुबिन गर्ग यांचा धक्कादायक मृत्यू चाहत्यांसाठी एक दुःखत बातमी ठरली. त्यांच्या जाण्याने ते अजूनही निराश आहेत.
या दोन ठिकाणीही छापे टाकले
तपासाचा एक भाग म्हणून, एसआयटीने आज आणखी दोन प्रमुख व्यक्तींच्या घरांवरही छापे टाकले. यामध्ये महोत्सवाचे आयोजक श्यामकानू महंता आणि जुबिनचे व्यवस्थापक सिद्धार्थ शर्मा यांचा समावेश आहे. महंताच्या गीतानगर येथील घरी फक्त घरकाम करणारे मदतनीस आढळले, तर जुबिनच्या व्यवस्थापकाचा धीरेनपारा येथील फ्लॅट कुलूपबंद आढळला. दंडाधिकाऱ्यांच्या उपस्थितीत कुलूप तोडून घराची झडती घेण्यात आली. जुबिन यांच्या मृत्यूपासून सिद्धार्थ शर्माची आई, भाऊ आणि बहीण देखील बेपत्ता असल्याची माहिती स्थानिक रहिवाशांनी दिली आहे.
सासू- सुनेमध्ये रंगला दांडिया रास, नीता अंबानीने राधिका मर्चंटला दिली टक्कर; VIDEO इंटरनेटवर व्हायरल
आसाम सरकार या प्रकरणावर गंभीर, १० सदस्यीय एसआयटी स्थापन
या प्रकरणाचे गांभीर्य लक्षात घेता, आसाम सरकारने विशेष पोलिस महासंचालक (डीजीपी) एम.पी. गुप्ता यांच्या नेतृत्वाखाली १० सदस्यीय विशेष तपास पथक (एसआयटी) स्थापन केले आहे. राज्यभरातील लोक या प्रकरणातील न्याय आणि सत्य बाहेर काढण्याची मागणी करत आहेत. या अटकेमुळे, जुबिन गर्गच्या अकाली मृत्यूमागील गूढ हळूहळू उलगडेल आणि तपास निर्णायक टप्प्यावर पोहोचेल अशी आशा आहे.
.png "Videos"){kind=small}
