अभिनेता अंकुश चौधरीची पत्नी पुन्हा बॉलिवूड गाजवण्यासाठी सज्ज, आगामी चित्रपटाचा पोस्टर रिलीज

आजवर अनेक मराठमोळ्या कलाकारांनी हिंदी सिनेसृष्टीत आपल्या कर्तृत्वाचा ठसा उमटवला आहे. यात मराठी अभिनेत्री आघाडीवर आहेत. या अभिनेत्रींच्या यादीत असलेल्या दीपा परब हिने सहजसुंदर अभिनयाच्या बळावर नेहमीच रसिकांचे लक्ष वेधले.

आजवर अनेक मराठमोळ्या कलाकारांनी हिंदी सिनेसृष्टीत आपल्या कर्तृत्वाचा ठसा उमटवला आहे. यात मराठी अभिनेत्री आघाडीवर आहेत. या अभिनेत्रींच्या यादीत असलेल्या दीपा परब हिने सहजसुंदर अभिनयाच्या बळावर नेहमीच रसिकांचे लक्ष वेधले आहे. आता दीपा पुन्हा एकदा हिंदी चित्रपटात झळकणार आहे. ‘फकिरीयत’ या आगामी हिंदी सिनेमात दीपा मुख्य भूमिकेत दिसणार असून संतोष मांजरेकर यांनी या सिनेमाचे दिग्दर्शन केले आहे. हा चित्रपट लवकरच प्रदर्शित होणार आहे.

प्रेमभावनेला स्वरबद्ध करणारे ‘झननन झाला’ गाणं प्रदर्शित, ‘गाडी नंबर १७६०’ मध्ये झळकणार प्रथमेश- प्रियदर्शिनीची फ्रेश जोडी

भद्रबाहू डिव्हाइन क्रिएशन्स एलएलपी च्या बॅनरखाली या सिनेमाची निर्मिती करण्यात आली आहे. आजवर मराठी सिनेमांचे यशस्वी दिग्दर्शन करणाऱ्या दिग्दर्शक संतोष मांजरेकर यांनी प्रथमच हिंदी सिनेमाचे दिग्दर्शन केले आहे. ‘फकिरीयत’ हा त्यांचा स्वतंत्रपणे दिग्दर्शित केलेला पहिला हिंदी सिनेमा आहे. कोणतीही व्यक्तिरेखा अगदी सहजपणे साकारण्याची कला अंगी असलेल्या दीपा परबने यापूर्वी हिंदी सिनेमात काम केले होते. एका प्रदीर्घ ब्रेकनंतर ती पुन्हा हिंदी भाषिक रसिकांसमोर येणार आहे. दरम्यानच्या काळात तिने बऱ्याच मराठी सिनेमांमध्ये विविधांगी भूमिका साकारल्या आहेत. ‘फकिरीयत’मध्ये रसिकांना तिच्या अभिनयाचे वेगळे पैलू पाहायला मिळणार आहेत. ‘फकिरीयत’ हा चित्रपट एक युगपुरुष, महापुरुष, महावतार बाबाजी व त्यांचा क्रियायोग यांची खरी ओळख सांगणारा आहे.

 

See more

“ओढ तुझ्या पंढरीची…”, अजय गोगावलेच्या आवाजातलं भक्तिगीत ऐकलंत का ? पालखी प्रस्थानाच्या शुभमुहूर्तावर गाणं प्रदर्शित

बाबाजींच्या एका शिष्येच्या माध्यमातून या सिनेमाची कथा उलगडत जाणार आहे, जी आपले जीवन गुरु इच्छेने जगते, गुरुकार्य जीवनाचे ध्येय समजते, तिला होणारी दैवी दर्शने, येणारे आदेश, होणारा विरोध, तिचा संघर्ष अशा अनेक अद्भुत, अविश्वनीय, रहस्यमय घटना म्हणजे फकिरीयत. ‘चिरुट जलती है’ आणि ‘अध्यात्म एक विद्रोह, एक क्रांती’ या अनुजा जानवलेकर लिखित पुस्तकांवर आधारित कथा असलेल्या या चित्रपटाचे पटकथालेखन अनिल पवार यांनी केले आहे. संवादलेखन अनिल पवार आणि अनुजा जानवलेकर यांनी केले आहे. अजित रेड्डी यांनी सिनेमॅटोग्राफी केली असून संकलन निलेश गावंड यांनी केले आहे. समृद्धी पवार यांनी लिहिलेली गीते संगीतकार प्रवीण कुंवर यांनी मनीष राजगिरे, मनोज मिश्रा, जसराज जोशी, नेहा राजपाल यांच्या आवाजात संगीतबद्ध केली आहेत. या सिनेमात दीपा परब, विनीत शर्मा, संतोष जुवेकर, उदय टिकेकर, अक्षय वर्तक, नयन जाधव, संदेश जाधव, अनिशा सबनीस आदी कलाकार आहेत.