(फोटो सौजन्य - इन्स्टाग्राम)
एका चुकीमुळे आयुष्य बदलणाऱ्या कथानकावरील ‘आरडी’ चित्रपट लवकरच प्रेक्षकांच्या भेटीस येणार आहे, ‘आरडी’ चित्रपटाचा टीझर रिलीज होताच या चित्रपटाच्या टीझरने चित्रपटसृष्टीत चांगलीच चर्चा निर्माण केली आहे. प्रेक्षकांना हा टीझर खूप आवडला आणि आता सगळे चित्रपटाची आतुरतेने वाट पाहत आहेत. आता या चित्रपटाच्या टीझरनंतर “वढ पाचची…” हे धमाल गाणं लाँच करण्यात आले आहे. या गाण्याला सुप्रसिद्ध गायक आदर्श शिंदेचा आवाज लाभला आहे. २१ मार्च रोजी हा चित्रपट प्रेक्षकांच्या भेटीला येणार आहे.
प्रसिद्ध तेलुगू गायिकाने केला आत्महत्येचा प्रयत्न, नेमकं कारण काय?
“वढ पाचची” हे अतिशय धमाल गाणं आहे. ‘पार्टी साँग’ म्हणता येईल असं हे गाणं तयार करण्यात आले आहे. मंदार चोळकर लिखित कॅची शब्दरचना, वरूण लिखाते यांचे ताल धरायला लावणारं संगीत आणि सुप्रसिद्ध गायक आदर्श शिंदे यांच्या दमदार आवाजामुळे हे गाणं प्रत्येकाला नाचायला लावणारं आहे. आजवर अनेक चित्रपटांतून पार्टी साँग आली असली, तरी ‘आरडी’ चित्रपटातलं “वढ पाचची” हे गाणं आणखी वेगळं आणि मनोरंजक आहे. हे गाणं नक्कीच लोकांना आणणार आहे याच शंकाच नाही.
Chhaava: विकी कौशलच्या ‘छावा’ चित्रपटाची जबरदस्त कमाई, जाणून घ्या १९ व्या दिवसाचे कलेक्शन!
साद एंटरटेन्मेंट, कमल एंटरप्रायझेस यांनी झेब्रा पिक्चर्स आणि हेलिक्स प्रॉडक्शन्स यांच्या सहाय्याने आरडी चित्रपटाची निर्मिती केली आहे. आदित्य नाईक, साहिल वढवेकर, हंसराज भक्तावाला, इस्तेखार अहमद शेख हे चित्रपटाचे निर्माते तर ऋग्वेद डेंगळे, शिवराज पवार, गणेश शिंदे हे सहनिर्माते आहेत. चित्रपटाचं लेखन आणि दिग्दर्शन गणेश शिंदे यांनी केले आहे. बी. आप्पासाहेब यांनी सहलेखन आणि सहदिग्दर्शन, हर्षवर्धन जाधव आणि मयूर सातपुते यांनी संकलन केले असून, तन्मय ढोक यांनी छायांकन केले आहे. सुरेश पंडित, वरूण लिखाते यांनी संगीत दिग्दर्शन केले आहे. चित्रपटात गणेश शिंदे, अवंतिका कवठेकर, राहुल फलटणकर, बुशरा शेख, केतन पवार, सानवी वाळके यांच्या प्रमुख भूमिका पाहायला मिळणार आहे.
‘आरडी’ चित्रपट मोठ्या पडद्यावर पाहण्यासाठी आणखी थोडेच दिवस प्रतीक्षा करावी लागणार आहे. हा चित्रपट २१ मार्च रोजी सर्वत्र सिनेमागृहात प्रेक्षकांसाठी दाखल होणार आहे. ज्याचा अनुभव सगळ्यांना घेता येणार आहे.
.png "Videos"){kind=small}
