अमृता – सोनाली पहिल्यांदाच दिसणार एकत्र, ‘परिणती- बदल स्वतःसाठी’ मध्ये दिसणार दोन स्त्रियांची अनोखी कहाणी

सोनाली कुलकर्णी आणि अमृता सुभाष या दोन अभिनेत्रीची पहिल्यांदाच केमिस्ट्री पाहायला मिळणार आहे. 'परिणती- बदल स्वतःसाठी’ हा चित्रपट एका नव्या कथेसोबत प्रेक्षकांच्या भेटीस येत आहे.

मराठी चित्रपटसृष्टीत आजवर उत्कृष्ट अभिनयाने प्रेक्षकांच्या मनात अव्वल स्थान निर्माण करणाऱ्या अभिनेत्री सोनाली कुलकर्णी आणि अमृता सुभाष आता पहिल्यांदाच एकत्र मोठ्या पडद्यावर झळकणार आहेत. ‘परिणती – बदल स्वतःसाठी’ हा त्यांचा आगामी चित्रपट येत्या १ ऑगस्ट २०२५ रोजी प्रेक्षकांच्या भेटीला येणार आहे. अक्षय बाळसराफ दिग्दर्शित या चित्रपटाची निर्मिती पराग मेहता आणि हर्ष नरूला यांनी केली आहे. या चित्रपटामध्ये दोन स्त्रियांच्या अनोख्या कथा उलगडणार आहेत.

प्रेक्षकांना अनुभवायला मिळणार रहस्यमय प्रेमाची अद्भुत कहाणी, ‘असंभव’चा फर्स्ट लूक रिलीज

या चित्रपटाच्या नुकत्याच प्रदर्शित झालेल्या पोस्टरमध्ये दोन स्त्रिया दिसत असून, एक सोनाली आहे तर दुसरी अमृता. सोनाली रंगीबेरंगी पारंपरिक पोशाखात, चेहऱ्यावर आत्मविश्वास, एक वेगळा आकर्षक बाणेदारपणासोबत दिसत आहे, तर दुसरी म्हणजे अमृता साधेपणात गुंतलेली, सोनालीच्या कुशीत विसावलेली दिसत आहे. त्यांच्या वेगवेगळ्या पार्श्वभूमी आणि भावविश्वाचा संगम चित्रपटाच्या कथेची झलक देत आहे. सन्मान, अस्तित्व आणि मुक्ततेसाठी लढणाऱ्या दोन स्त्रियांची ही कहाणी आहे, त्यांच्या लढ्याची कारणं वेगळी आहेत, परंतु दोघींचा उद्देश एकच आहे, तो म्हणजे स्वतःसाठी बदल घडवणे. या पोस्टरमधील दोघींचा लूक पाहून चित्रपटाची कथा नक्की काय असेल हे जाणून घेण्यासाठी चाहते उत्सुक आहेत.

 

See more

या चित्रपटाविषयी लेखक-दिग्दर्शक अक्षय बाळसराफ म्हणाले की, ‘परिणती’ या चित्रपटात मी अशा दोन स्त्रियांना एकत्र आणलं आहे, ज्यांची एका वळणावर मैत्री होते आणि त्यातून त्यांचे आयुष्य बदलते. सोनाली आणि अमृता यांनी या भूमिकांमध्ये जीव ओतला आहे. ‘परिणती’ ही त्यांच्या वाटचालीची, बंडाची, आणि स्वतःला सापडण्याची कहाणी आहे. ‘परिणती’ प्रेक्षकांना केवळ मनोरंजनच देणार नाही, तर विचारही करण्यास भाग पाडेल.’ असे त्यांनी म्हटले आहे.

निधनानंतर Saroja Devi यांची इच्छा झाली पूर्ण, पाच वर्षांपूर्वी ‘ही’ अनोखी इच्छा केली होती व्यक्त

‘परिणती – बदल स्वतःसाठी’ हा आगामी चित्रपट येत्या १ ऑगस्ट २०२५ रोजी प्रेक्षकांच्या भेटीस येणार आहे. अक्षय बाळसराफ दिग्दर्शित या चित्रपटाची निर्मिती पराग मेहता आणि हर्ष नरूला यांनी केली आहे. दरम्यान, अमृताच्या कामाबद्दल सांगायचे झाले तर, नुकताच प्रदर्शित झालेला ‘जारण’ चित्रपटामध्ये ती दिसली आहे. या चित्रपटाने बॉक्स ऑफिसवर चांगली कमाई केली आहे. या सिनेमातल्या अभिनयासाठी अभिनेत्रीच भरभरून कौतुकही झाले आहे. तर या सिनेमातल्या एका गाण्यात सोनाली कुलकर्णीही दिसली होती. सोनालीच्या चाहत्यांसाठी मात्र तिला बऱ्याच काळानंतर मोठ्या पडद्यावर पाहण्याची उत्सुकता पूर्ण होणार आहे.