Suparna Shyam: ‘दुहेरी’च्या लोकप्रिय अभिनेत्रीची नवीन सुरुवात, सुपर्णा श्याम लवकरच ‘ऊत’ मध्ये कणखर भूमिकेत

अभिनेत्री सुपर्णा श्याम लवकरच 'ऊत’ या आगामी मराठी चित्रपटातून खणकर भूमिकेत प्रेक्षकांच्या भेटीला येणार आहे.

•  अभिनेत्री सुपर्णा श्याम लवकरच प्रेक्षकांच्या भेटीला
• ‘दुहेरी’ नंतर आता ‘ऊत’ या चित्रपटात जबरदस्त अंदाज
• ‘ऊत’ मध्ये सुपर्णा कणखर भूमिकेत

छोट्या पडद्यावरील ‘दुहेरी’ या मालिकेतून कमी कालावधीत घराघरांत पोहचलेली अभिनेत्री सुपर्णा श्याम लवकरच ‘ऊत’ या आगामी मराठी चित्रपटातून नव्या भूमिकेत प्रेक्षकांच्या भेटीला येणार आहे. सुपर्णा ‘ऊत’ या चित्रपटात ‘गुलाब’ या कणखर मध्यमवर्गीय गृहिणीच्या व्यतिरेखेत दिसणार आहे. स्वतंत्र विचारसरणीच्या गुलाबाचा आयुष्याकडे बघण्याचा दृष्टीकोन दाखवताना ‘प्रेम’ आणि ‘लग्न’ या दोन्ही गोष्टी ती कशारीतीने हाताळते हे पहायला मिळणार आहे. वेरा फिल्म्स निर्मित आणि राम मलिक लिखित-दिग्दर्शित ‘ऊत’ हा मराठी चित्रपट २१ नोव्हेंबरला प्रेक्षकांच्या भेटीला येणार आहे.

‘क्योंकि सास भी कभी बहू थी 2’ लवकरच होणार बंद? स्मृती इराणीच्या मालिकेबाबत समोर आली मोठी बातमी

आपल्या या भूमिकेबद्दल बोलताना सुपर्णा सांगते, ‘या भूमिकेने मला खूप चांगला अनुभव दिला. ही अशा प्रेमाची कथा आहे जी कदाचित आपल्या अवतीभवती देखील असू शकते. प्रेम जिंकत पण आपण ते कसं निभावतो? याची कथा दाखवताना प्रेमाकडे बघण्याचा समाजाचा दृष्टिकोन ही ‘ऊत’ या चित्रपटात मांडण्यात आला आहे.

Thamma Collection: ‘थामा’ने मंगळवारी बॉक्स ऑफिसवर घातला धुमाकूळ, केला १०० कोटींचा गल्ला पार; मोडले हे रेकॉर्ड

सुपर्णा सोबत राज मिसाळ, आर्या सावे ही नवी जोडी या चित्रपटात दिसणार आहे. राजकुमार तांगडे, अनिकेत केळकर, प्राजक्ता केळकर, पुरषोत्तम वाघ, शैलेश कोरडे, अर्चना रावल, दीपक पाटील, वैदही ठाकूर, सिद्धेश्वर थोरात, अभय कुलकर्णी, श्रेया देशमुख, धनश्री साटम आदि कलाकारांच्या सुद्धा यात भूमिका आहेत.