(फोटो सौजन्य- इन्स्टाग्राम)
अस्सल मराठी मातीतल्या वाघ्या-मुरळीची संघर्षमय कथा आगामी ‘फुला’ चित्रपटातून मोठ्या पडद्यावर पहायला मिळणार आहे. या चित्रपटातून अस्सल संगीताची मेजवानी मिळणार असून, बऱ्याच काळानंतर मराठी चित्रपटात सात गाण्यांचा भरभक्कम अल्बम ऐकायला मिळणार आहे. सांगली जिल्ह्यातील आटपाडी गावातील नवोदित तरुणांनी तयार केलेल्या Phula चित्रपटाचा पोस्टर आणि संगीत प्रकाशन सोहळा मोठ्या उत्साहात पार पडला. वाघ्या-मुरळीच्या पारंपरिक लोकसंस्कृतीवर आधारित आणि एका स्त्रीच्या संघर्षाची कहाणी सांगणारा हा चित्रपट प्रेक्षकांच्या भेटीस येण्यास सज्ज आहे.
सोहळ्यात ज्येष्ठ पत्रकार, Rajiv Khandekar, एबीपी माझा आणि एबीपी न्यूजचे सीनियर एक्झिक्युटिव्ह व्हाइस प्रेसिडेंट प्रमुख उपस्थित होते. याशिवाय, सॅक्सोफोन वादक Raj Soda आणि चित्रपटाची संपूर्ण टीमही उपस्थित होती.
हा चित्रपट नवोदित तरुणांच्या मेहनतीला आणि पारंपरिक संगीताला मराठी चित्रपटसृष्टीत नवीन प्रोत्साहन देणार आहे. सात गाण्यांचा भरभक्कम अल्बम प्रेक्षकांना ऐकायला मिळणार असून, संगीतप्रेमींमध्ये उत्सुकता निर्माण झाली आहे.
पैलवान अजित शिवाजी जाधव यांनी Phula चित्रपटाची निर्मिती केली असून, शिवशर्विल मूव्ही आणि बोधी सिनेमा यांनी या चित्रपटाची प्रस्तुती केली आहे.
चित्रपटाची कथा आणि दिग्दर्शन अभिषेक जावीर यांचे असून, पटकथा रवीकिरण जावीर यांनी लिहिली आहे. संगीत दिग्दर्शन समाधान ऐवळे, तर सर्जनशीर दिग्दर्शन अमर देवकर, गीतलेखन रवीकिरण जावीर आणि समाधान ऐवळे, छायांकन प्रताप जोशी, कला दिग्दर्शन अतुल लोखंडे, आणि संकलनाची जबाबदारी राहुल प्रजापती यांनी पाहिली आहे.
चित्रपटातील गाण्यांना आवाज दिला आहे वैशाली सामंत, वैशाली माडे, रोहित राऊत, रवींद्र खोमणे, वैशाली कुलकर्णी, वैष्णवी आदोडे, आकाश नवगिरे यांनी. नृत्य दिग्दर्शन आशुतोष कीर्तिकर आणि सृष्टी जाधव, वेशभूषाकार कोमल जावीर, अक्षता पाटील, तर रंगभूषाकार समाधान भोरे यांनी केले आहे.
याप्रसंगी राजीव खांडेकर म्हणाले..आपल्या सर्वांना आपल्या लोककला, लोकपरंपरा याचा अभिमान असतो. ज्या कलाकारांना डोक्यावर घेऊन आपण ज्या कलाकारांचं कौतुक करतो अशा कलाकारांचं प्रत्यक्षातील आयुष्य कस असतं यावर प्रत्यक्षपणे प्रकाश टाकण्याचं प्रयत्न या चित्रपटाच्या माध्यमातून करण्यात आला आहे . नव्या दमाच्या तरुणांनी एकत्र येऊन हा चित्रपट केला आहे. वाघ्या मुरळींच्या आयुष्यावर आधारित असलेल्या वेगळ्या धाटणीच्या या चित्रपटाला आपण प्रेक्षक म्हणून नक्कीच साथ दिली पाहिजे
“फुला” ही एका मुरळीच्या पोटी जन्मलेल्या निरागस मुलीची संघर्षमय कथा आहे. तमाशा फड, जागरण गोंधळ या पारंपरिक सांस्कृतिक पटावर आधारित ही गोष्ट महाराष्ट्राच्या लोकपरंपरेतून आकार घेते. चित्रपटात कान्हा तुझी बासरी, माझा राजा मल्हारी, आसरा तू माझ्या जीवाचा, कुंकू कोरलं कपाळी, मुरळी झाले मी गं बाई, कपाळी सजलं बाशिंग, डर्बीचा थरार ही सात गाणी या चित्रपटात आहेत. प्रसंगानुरूप येणाऱ्या या गाण्यातून वाघ्या-मुरळीच्या लोकसंस्कृतीचं चित्रण करत मुरळीच्या भावभावनाही मांडण्यात आल्या आहेत. त्यामुळे अस्सल लोकसंस्कृती आणि आशयघन गाणी असलेला “फुला” हा चित्रपट मोठ्या पडद्यावर पाहणं हा एक अनुभव ठरणार आहे. येत्या १७ एप्रिलपासून “फुला” हा चित्रपट संपूर्ण महाराष्ट्रात प्रदर्शित होणार आहे.
हा चित्रपट वाघ्या-मुरळीच्या पारंपरिक लोकसंस्कृतीवर आधारित असून, एका स्त्रीच्या संघर्षाची कहाणी प्रेक्षकांसमोर आणत आहे. सात गाण्यांचा भरभक्कम अल्बम आणि अस्सल संगीताच्या मेजवानीसह, Phula मराठी चित्रपटसृष्टीत नवोदित कलाकारांना व पारंपरिक संगीताला नवीन ओळख देणार आहे.
.png "Videos"){kind=small}
