Baidi Song: पुष्कर जोग आणि पूजा राठोड ‘बायडी’ गाण्यात दिसणार एकत्र, पोस्टरने वेधलं लक्ष!

बिग बॉस फेम अभिनेता पुष्कर जोग आणि अल्याड पल्याड फेम अभिनेत्री पूजा राठोड ‘बायडी’ गाण्यात एकत्र दिसणार आहेत. तसेच या ‘बायडी’ गाण्याच्या पोस्टरने चाहत्यांचे लक्ष वेधले आहे.

मराठी आणि हिंदी चित्रपट सिनेसृष्टीत आपल्या अभिनयाने स्वतःची वेगळी ओळख निर्माण करणारा अभिनेता पुष्कर जोग आणि अभिनेत्री अल्याड पल्याड चित्रपट फेम बंजारा गाण्यांमध्ये दिसलेली पूजा राठोड यांचे नवीन वर्षात ‘वी आर म्युझिक स्टेशन’ प्रस्तुत ‘बायडी’ हे गावरान प्रेम गीत प्रेक्षकांच्या भेटीला लवकरच येत आहे. नुकतचं त्या दोघांनी आपल्या सोशल मीडियावर बायडी गाण्याचा पोस्टर आणि प्रोमो शेयर केला आहे. बायडी या गाण्याच्या पोस्टरमध्ये अभिनेता पुष्कर जोग रिक्षावाल्याच्या गेटअपमध्ये दिसत आहे. तर अभिनेत्री पूजा राठोड ही सालस रूपात गावाकडच्या मुलीच्या गेटअप मध्ये दिसली आहे. त्यामुळे गाण्याच्या पोस्टरने प्रेक्षकांचे विशेष लक्ष वेधून घेतले आहे.

आनंदीच्या विळख्यातून इंदूला बाहेर कसं काढणार विठुराया ? आनंदीचा खरा चेहरा इंदूच्या समोर येईल ?

 

See more

Phule: भारतातील पहिल्या महिला शिक्षिका सावित्रीबाई फुले यांच्यावर आधारित येणार चित्रपट; या दिवशी होणार प्रदर्शित!

पुष्करने या आधी बिग बॉस मराठी हा रियालिटी शो तसेच ‘तू तू मै मै’, ‘वचन दे तू मला’, ‘असावा सुंदर स्वप्नांचा बंगला’ या टेलिव्हिजन मालिका आणि ‘वेल डन बेबी’, ‘जबरदस्त’, ‘ती आणि ती’, ‘बापमाणूस’, ‘मुसाफिरा’ असे अनेक मराठी हिंदी चित्रपट केले आहेत. तर अभिनेत्री पूजा राठोडने अल्याड पल्याड हॉरर मराठी चित्रपटामध्ये विशेष भूमिका साकारली आहे. तसेच अभिनेत्रीची सोनेरो भुरिया, सोकेवलो साडो, नीलो कालो फेटिया अशी बरीच बंजारा गाणी प्रसिद्ध आहेत.

‘वी आर म्युझिक स्टेशन’ प्रस्तुत ‘बायडी’ हे गावरान प्रेम गीताचे निर्माते विशाल राठोड हे आहेत. तर गाण्याचे दिग्दर्शक अभिजीत दाणी हे आहेत. प्रसिद्ध गायक हर्षवर्धन वावरे आणि गायिका कस्तुरी तांबट यांनी हे गाणे गायले आहे. या गाण्याचे संगीत प्रितेश मावळे यांनी केले आहे. तर बायडी गाण्याचा प्रोमो नुकताच सोशल मीडियावर प्रदर्शित झाला आहे. तर आता प्रेक्षकांमध्ये या गाण्याची उत्सुकता पाहायला मिळत आहे. हे गाणं प्रेक्षकांना नक्कीच आवडेल अशी आशा आहे.