‘राजा शिवाजी’ टीझरला प्रेक्षकांची पसंती; Riteish Deshmukh चा शिवराय अवतार पाहून प्रेक्षक भावूक

‘धुरंधर २’ हा चित्रपट सध्या सिनेमागृहात धुमाकूळ घालत आहे. अशातच ‘राजा शिवाजी’ चित्रपटाचा टीझर थिएटरमध्ये झळकत आहे. आणि त्याला चाहत्यांचा भरभरून प्रतिसाद मिळत आहे.

• ‘राजा शिवाजी’ टीझरला प्रेक्षकांची पसंती
• रितेशचा शिवराय अवतार पाहून प्रेक्षक भावूक
• ‘राजा शिवाजी’ चित्रपट कधी होणार प्रदर्शित

 

मराठी चित्रपटसृष्टीतील बहुप्रतिक्षित ‘राजा शिवाजी’ या चित्रपटाचा भव्य टीझर नुकताच चित्रपटगृहांमध्ये प्रदर्शित करण्यात आला असून, प्रेक्षकांकडून त्याला उत्स्फूर्त आणि प्रचंड प्रतिसाद मिळत आहे. सणाचा दिवस असूनही मोठ्या संख्येने प्रेक्षक थिएटरमध्ये दाखल झाले होते. विशेष म्हणजे ‘धुरंधर द रिव्हेंज’ हा चित्रपट पाहण्यासाठी आलेल्या प्रेक्षकांना ‘राजा शिवाजी’च्या टीझरची खास झलक अनुभवायला मिळाली आणि थिएटरमध्ये एक वेगळीच ऊर्जा निर्माण झाली.

श्री स्वामी समर्थ प्रकट दिनाचं औचित्य साधत ‘स्वामी गुरुमाऊली’ गाणं प्रदर्शित; अभिनेता सनी कांबळेचं दिग्दर्शनात पदार्पण

टीझर सुरू होताच प्रेक्षकांकडून टाळ्यांचा कडकडाट आणि जल्लोषाचा आवाज घुमू लागला. स्वराज्याच्या प्रेरणादायी गाथेची ही पहिली झलक अनेकांना भावूक करून गेली. छत्रपती शिवाजी महाराजांच्या जीवनावर आधारित या भव्य चित्रपटाची झलक पाहून प्रेक्षकांनी मोठ्या प्रमाणात प्रतिक्रिया व्यक्त केल्या. एवढंच नाही, तर अनेकांनी थिएटरमध्येच टीझरचे व्हिडिओ कॅप्चर करून ते सोशल मीडियावर, विशेषतः इन्स्टाग्राम रीलवर शेअर केले. त्यामुळे या टीझरची चर्चा आता सोशल मीडियावरही मोठ्या प्रमाणात रंगताना दिसत आहे.

जिओ स्टुडिओज आणि मुंबई फिल्म कंपनी प्रस्तुत या चित्रपटात रितेश देशमुख छत्रपती शिवाजी महाराजांच्या प्रमुख भूमिकेत दिसणार असून, त्यांनीच या चित्रपटाचे दिग्दर्शनही केले आहे. त्यांच्या या दुहेरी भूमिकेमुळे चित्रपटाबद्दलची उत्सुकता अधिकच वाढली आहे. चित्रपटाची निर्मिती ज्योती देशपांडे आणि जिनेलिया देशमुख यांनी केली आहे. तसेच जिनेलिया देशमुख देखील या चित्रपटामध्ये झळकणार आहे.

‘माझ्या लग्नात मला बोलावलंच नाही…’, भाऊ कदमच्या व्हायरल पोस्टवर लेकीची प्रतिक्रिया; मीडियावर साधला निशाणा

चित्रपटाच्या तांत्रिक बाजूचीही तितकीच चर्चा आहे. संगीतकार जोडी अजय-अतुल यांनी दिलेलं दमदार संगीत आणि प्रसिद्ध छायाचित्रकार संतोष सिवन यांचं नेत्रदीपक छायांकन या चित्रपटाला भव्यतेची उंची देणार आहे. टीझरला मिळालेल्या जबरदस्त प्रतिसादामुळे आता प्रेक्षकांची उत्सुकता शिगेला पोहोचली आहे. स्वराज्याची प्रेरणादायी कथा मोठ्या पडद्यावर पाहण्यासाठी प्रेक्षक आतुर झाले आहेत. राजा शिवाजी हा चित्रपट १ मे २०२६ रोजी जगभरातील चित्रपटगृहांमध्ये प्रदर्शित होणार असून, तो बॉक्स ऑफिसवर नवा इतिहास रचेल अशी शक्यता व्यक्त केली जात आहे.