(फोटो सौजन्य- इन्स्टाग्राम)
मराठी मालिकाविश्वात पहिल्यांदाच एका भव्य ‘बीच वेडिंग’ चा सोहळा पाहायला मिळणार आहे. झी मराठीने आपल्या प्रेक्षकांसाठी नेहेमीच काहीतरी वेगळं आणि लक्षवेधी सादर करून प्रेक्षकांची मनं जिंकत आली आहे, आणि यावेळी देखील पुन्हा एकदा हाच झी मराठीचा छोटा पडदा एका अविस्मरणीय सोहळ्यासाठी सज्ज झाला आहे राजवाडे घराण्याच्या लग्नसोहळ्यासाठी! ‘वीण दोघातली ही तुटेना’ या मालिकेतील हा विवाह सोहळा मराठी टेलिव्हिजनच्या इतिहासात नवा मानदंड निर्माण करणार आहे.
प्रेक्षकांच्या मनात घर करणारी झी मराठीवरील लोकप्रिय मालिका ‘वीण दोघातली ही तुटेना’ सध्या एका महत्त्वाच्या टप्प्यावर पोहचली आहे. आधिरा आणि रोहन यांच्या लग्नासाठी समर आणि स्वानंदी प्रयत्नांची पराकाष्ठा करताना दिसणार आहेत. या लग्न मांडवात एक नाही तर दोन लग्न होणार आहेत आधिरा-रोहन आणि समर-स्वानंदी. या खास लग्न सोहळ्याचे चित्रीकरण करण्यासाठी मालिकेची संपूर्ण टीम गोव्याला दाखल झाली आहे, ज्यामुळे मालिकेच्या कथानकाला एक नवा रंग मिळाला आहे.
View this post on Instagram
दक्षिण गोव्याच्या आलिशान फाईव्ह स्टार हॉटेलमध्ये हा विवाहसोहळा पार पडणार असून समुद्रकिनाऱ्याच्या मनोहारी वातावरणात ‘बीच वेडिंग’चा थाटमाट पाहायला मिळणार आहे. सजवलेला समुद्रकिनारा, सुंदर फुलांनी नटलेला मंडप आणि कलाकारांचे आकर्षक पोशाख हे या विशेष भागाचे प्रमुख आकर्षण ठरणार आहे. २९ ऑक्टोबरपासून ते ११ नोव्हेंबरपर्यंत हा जल्लोष रंगणार असून, राजवाडे आणि सरपोतदार कुटुंब प्रत्येक दिवस एक नवा सोहळा घेऊन येणार आहेत. गोव्याच्या निसर्गरम्य वातावरणात, आधिरा- रोहन आणि स्वानंदी- समर यांच्या यांचं डेस्टिनेशन वेडिंग होणार आहे. मुहूर्तमेढ, मेहेंदी, चुडा, हळद, सीमांत पूजन आणि शेवटी अविस्मरणीय विवाहसोहळा हा प्रत्येक कार्यक्रम या मालिकेच्या निमित्ताने प्रेक्षकांना अनुभवता येणार आहे.
‘क्योंकि सास भी कभी बहू थी 2’ लवकरच होणार बंद? स्मृती इराणीच्या मालिकेबाबत समोर आली मोठी बातमी
कार्यक्रमाचे वेळापत्रक पुढीलप्रमाणे
२९ ऑक्टोबर: मुहूर्तमेढ
३० आणि ३१ ऑक्टोबर: मेहेंदी
१ आणि २ नोव्हेंबर: चुडा
५ आणि ६ नोव्हेंबर: हळद
७ नोव्हेंबर: सीमांत पूजन
१० आणि ११ नोव्हेंबर: अविस्मरणीय विवाह सोहळा
परंपरा, संस्कृती आणि आधुनिकतेचा मिलाप असलेला हा विवाह सोहळा प्रेक्षकांसाठी एक खास अनुभव ठरणार आहे. महाराष्ट्राचा महाविवाह सोहळा रंगणार, तुम्हाला आशीर्वाद दयायला नक्की यावं लागणार!
