(फोटो सौजन्य - इन्स्टाग्राम)
मराठी चित्रपटसृष्टीत सध्या गाजत असलेला ‘तिघी’ हा चित्रपट प्रेक्षकांच्या मनात घर करून बसला आहे. आशयघन कथा, प्रभावी सादरीकरण आणि दमदार अभिनयाच्या जोरावर हा चित्रपट बॉक्स ऑफिसवर यशस्वी ठरत असतानाच आता त्याने आंतरराष्ट्रीय पातळीवरही मोठी झेप घेतली आहे. प्रतिष्ठित न्यू यॉर्क भारतीय चित्रपट महोत्सव २०२६ (NYIFF) मध्ये ‘तिघी’ची क्लोजिंग फिल्म म्हणून निवड झाल्याने मराठी चित्रपटसृष्टीसाठी हा अभिमानाचा क्षण ठरला आहे.
आई-मुलीच्या नात्यांतील भावनिक गुंतागुंत, न बोललेले संवाद आणि काळानुसार बदलणारी नाती यांचा अत्यंत सूक्ष्म आणि वास्तववादी वेध ‘तिघी’मध्ये घेण्यात आला आहे. त्यामुळे हा चित्रपट केवळ स्थानिक पातळीवर मर्यादित न राहता जागतिक प्रेक्षकांनाही सहजपणे जोडतो. मुंबईपासून ते न्यूयॉर्कपर्यंत, मानवी नात्यांच्या या कथा प्रत्येकाच्या मनाला भिडणाऱ्या ठरत आहेत.
शाहिद कपूरचा ‘O’Romeo’ आता ओटीटीवर; या क्राइम-रोमँटिक चित्रपटाचा जागतिक डिजिटल प्रीमियर
याआधी ‘पुणे ५२’, ‘जून’, ‘गोदावरी’ आणि ‘रावसाहेब’ या चित्रपटांनीही NYIFF मध्ये आपली छाप सोडली होती. ‘तिघी’ हा या निर्मितीसंस्थेचा पाचवा चित्रपट असून, यावेळी क्लोजिंग फिल्मचा मान मिळणे ही मोठी कामगिरी मानली जात आहे. यामुळे आशयप्रधान मराठी चित्रपटांना आंतरराष्ट्रीय व्यासपीठावर सातत्याने मिळणारी दखल अधिक ठळक झाली आहे.
दिग्दर्शिका जिजिविषा काळे यांनी या यशाबद्दल आनंद व्यक्त करत सांगितले की, “NYIFF सारख्या प्रतिष्ठित महोत्सवात ‘तिघी’ची क्लोजिंग फिल्म म्हणून निवड होणे आमच्यासाठी अत्यंत अभिमानास्पद आहे. हा चित्रपट अतिशय वैयक्तिक आणि भावनिक नात्यांवर आधारित असून, प्रेक्षकांनी दिलेल्या प्रेमामुळे तो अधिक खास ठरतो आहे.”
भारती आचरेकर, सोनाली कुलकर्णी आणि नेहा पेंडसे यांच्या प्रभावी अभिनयाने सजलेला ‘तिघी’ हा चित्रपट सध्या चित्रपटगृहात यशस्वीपणे प्रदर्शित होत असून, आता आंतरराष्ट्रीय स्तरावरही आपला ठसा उमटवण्यास सज्ज आहे. या यशामुळे मराठी सिनेमाच्या कक्षा आणखी विस्तारल्या जात असल्याचे स्पष्ट दिसून येते.
.png "Videos"){kind=small}
