संतापाच्या भरात नवऱ्याने बायकोच्या कपाळावर लिहिले ‘निर्लज्ज’, ‘या’ मालिकेवर प्रेक्षकांनी केला संताप व्यक्त, गाठला कळस

मी संसार माझा रेखिते या मालिकेचा एक प्रोमो सन मराठीने शेअर केला आहे. ज्याची चर्चा सध्या सोशल मीडियावर जोरदार सुरू आहे. प्रोमोमध्ये दिसत आहे. बायको अनुप्रिया दुसऱ्या पुरूषाचं कौतुक करते म्हणून अविनाशने तिची रागात मान धरून… तिला जबरदस्ती टोपभर बासुंदी प्यायला लावतो. हा प्रोमो पाहून प्रेक्षक भयंकर संतापले आहेत. या यावर “आजच्या काळात हे काय दाखवताय, अतिरेक होतोय” अशा कमेंट्स देखील करण्यात आल्या आहेत.

याच पाठोपाठ आता ‘मी संसार माझा रेखिते’ या मालिकेच्या नव्या प्रोमोने प्रेक्षकांचं लक्ष वेधून घेतलं आहे. या प्रोमोमध्ये अविनाश आपल्या बायकोच्या कपाळावर स्केच पेनने ‘निर्लज्ज’ असं लिहितो, असा धक्कादायक प्रकार दाखवण्यात आला आहे. हा प्रकार पाहून अनुप्रिया आणि तिच्या मुलीच्या डोळ्यांत अश्रू येतात.

हा सीन समोर आल्यानंतर प्रेक्षकांमध्ये तीव्र नाराजी व्यक्त होत असून, सोशल मीडियावरही या प्रोमोवर जोरदार प्रतिक्रिया उमटत आहेत. अनेकांनी या दृश्यावर टीका करत मालिकेतील आशयावर प्रश्नचिन्ह उपस्थित केलं आहे.

दारू, नशा आणि धोकेबाजी… गँग्स ऑफ वासेपूर फेम ‘या’ अभिनेत्याने आपल्या वैवाहिक आयुष्याबाबत केलेल्या खुलाशांमुळे खळबळ

विस्कटलेले लांब केस, मोठी दाढी… हॉरर-थ्रिलर ‘हैवान’ चित्रपटातील Akshay Kumar चा पहिला लूक व्हायरल, चाहते म्हणाले, ‘खतरनाक…’

या दोन्ही प्रोमोखालील कमेंट्समध्ये प्रेक्षकांनी तीव्र संताप व्यक्त केला आहे. “कृपया ही मालिका बंद करा, टीआरपीसाठी काहीही दाखवू नका”, “या मालिकेची प्रत्येक जाहीरात डोक्यात जातेय”, “फालतू मालिका आहे, विकृतपणाचा कळस आहे… प्रेक्षकांनी यातून नेमका कोणता आदर्श घ्यायचा?” अशा शब्दांत अनेकांनी नाराजी व्यक्त केली आहे.तसेच, “जग कुठे चाललंय आणि हे कुठे अडकले आहेत”, “ही मालिका ताबडतोब बंद झाली पाहिजे”, “आपण काय दाखवत आहोत याचं भान तरी ठेवा”, “सगळा अतिरेक दाखवला आहे, ही फालतू मालिका आहे”, “प्लीज हे सगळं बंद करा, असं पाहून खूप त्रास होतो” अशा असंख्य प्रतिक्रिया या मालिकेच्या प्रोमोवर उमटताना दिसत आहेत.

संबंधित बातम्या