हैद्राबाद : केंद्रातील सत्ताधारी ‘राष्ट्रीय लोकशाही आघाडी’च्या (NDA) राष्ट्रपतीपदासाठी उमेदवार द्रौपदी मुर्मू (Draupadi Murmu) यांच्याविरोधात वादग्रस्त (Offensive) टिप्पणी केल्याप्रकरणी सुप्रसिद्ध चित्रपट दिग्दर्शक राम गोपाल वर्मा (Ram Gopal Varma) यांच्याविरोधात गुन्हा दाखल करण्यात आला आहे. तेलंगणातील भाजप (Telangana BJP) नेते गुडूर नारायण रेड्डी (Gudur Narayan Reddy) यांनी हैदराबादच्या आबिद रोड पोलीस ठाण्यात एससी-एसटी कायद्यांतर्गत हा गुन्हा ([blurb content=””]) दाखल केला आहे.
रामगोपाल यांनी वर्मा यांनी नुकतेच एक ट्विट केले होते. त्यात त्यांनी द्रौपदी मुर्मू यांचा उल्लेख महाभारतातील द्रौपदी म्हणून केला होता. ‘जर द्रौपदी राष्ट्रपती असेल तर पांडव कोण आहेत? आणि सर्वात महत्त्वाचे म्हणजे कौरव कोण आहेत?’ वर्मा यांच्या या ट्विटनंतर त्यांच्यावर टीकेची झोड उठली होती. त्यानंतर त्यांनी आणखी एका ट्विटद्वारे आपल्या उपरोधिक विधानाला गांभिर्याने घेण्यात आल्याचे म्हटले होते.
This was said just in an earnest irony and not intended in any other way ..Draupadi in Mahabharata is my faviourate character but Since the name is such a rarity I just remembered the associated characters and hence my expression. Not at all intended to hurt sentiments of anyone https://t.co/q9EZ5TcIIV — Ram Gopal Varma (@RGVzoomin) June 24, 2022
ट्विटवर खुलासा
‘मी केवळ उपरोधिक विधान केले होते. त्यामागे अन्य कोणताही हेतू नव्हता. द्रौपदी हे महाभारतातील माझ्या आवडत्या पात्रांपैकी एक आहे. हे एक दुर्मिळ नाव आहे. त्यामुळे मला संबंधित पात्र व माझ्या अभिव्यक्तीची आठवण झाली. माझा कुणाच्याही भावना दुखावण्याचा हेतू नव्हता,’ असे त्यांनी सांगितले.
