शुक्रवार, 13 नोव्हेंबर 2026
Helle Leng Visa Cancelled: अवघ्या १० मी आधी व्हिसा रद्द केला...; पंतप्रधान मोदींना प्रश्न विचारणाऱ्या पत्रकार हेले लेंग यांचा दावा
हेले लेंग यांनी सोशल मीडिया प्लॅटफॉर्म ‘एक्स’वर पोस्ट आणि व्हिडिओ संदेश प्रसिद्ध करून आपली भूमिका मांडली आहे. त्यांना हैदराबाद येथे होणाऱ्या इंडिया समिटमध्ये सहभागी होण्यासाठी निमंत्रित करण्यात आले होते. या परिषदेत माध्यमांचे स्वातंत्र्य, पत्रकारिता आणि लोकशाहीचे भविष्य यांसारख्या विषयांवर त्या भाष्य करणार होत्या.
लेंग यांच्या म्हणण्यानुसार, भारतात प्रवास करण्यासाठी त्यांना व्हिसा आणि आवश्यक राजकीय परवानगी मिळाली होती. प्रवासाची सर्व तयारी पूर्ण असताना विमानतळाकडे निघण्याच्या सुमारे १० मिनिटे आधी नॉर्वेमधील भारतीय दूतावासातून त्यांना फोन आला. गृह मंत्रालयाच्या आदेशानुसार त्यांचा व्हिसा रद्द करण्यात आल्याचे या फोनवर सांगण्यात आल्याचा दावा त्यांनी केला आहे.
व्हिसा रद्द करण्यामागे राजकीय कारण असण्याची शक्यता हेले लेंग यांनी व्यक्त केली आहे. मे २०२६ मध्ये पंतप्रधान नरेंद्र मोदी यांच्या नॉर्वेतील ओस्लो दौऱ्यादरम्यान त्यांनी विचारलेल्या प्रश्नांचा या निर्णयाशी संबंध असू शकतो, असा संशय त्यांनी व्यक्त केला.
तसेच, नॉर्वेमधील वृत्तपत्रात प्रकाशित केलेले लेख आणि सोशल मीडिया पोस्टमधून आपण पंतप्रधान नरेंद्र मोदी तसेच त्यांच्या सरकारवर टीका केली होती. ही पत्रकारिता आणि सरकारवरील टीका व्हिसा रद्द करण्यामागील कारण असू शकते, अशी भीतीही त्यांनी व्यक्त केली आहे. मात्र, या आरोपांना अद्याप अधिकृत दुजोरा मिळालेला नाही.
आपल्या व्हिडिओच्या माध्यमातून हेले लेंग यांनी केंद्रीय गृहमंत्री अमित शाह यांच्याकडे व्हिसा रद्द करण्याच्या निर्णयाचा पुनर्विचार करावा, असे आवाहन त्यांनी केले आहे. शिखर परिषदेत त्यांचे भाषण पुढील ४८ तासांत नियोजित असल्याचे सांगत, परवानगी मिळाल्यास पुढील उपलब्ध विमानाने हैदराबादला येण्याची तयारी असल्याचेही त्यांनी म्हटले आहे.
हेले लेंग यांनी व्हिसा रद्द झाल्याचा दावा केल्यानंतर या प्रकरणाची चर्चा सुरू झाली आहे. मात्र, त्यांच्या आरोपांवर केंद्रीय गृह मंत्रालय किंवा परराष्ट्र मंत्रालयाकडून अद्याप अधिकृत प्रतिक्रिया आलेली नाही. त्यामुळे व्हिसा रद्द करण्यामागील नेमके कारण काय, याबाबतची स्पष्टता सरकारच्या अधिकृत भूमिकेनंतरच येऊ शकणार आहे.
Chandrapur News: चिमूरच्या फुटपाथवर विद्युत खांबांचा अडथळा; अपघाताचा धोका वाढला, महावितरण
काँग्रेसच्या वतीने आयोजित इंडिया समिट १३ आणि १४ नोव्हेंबर रोजी हैदराबाद येथे होत आहे. सलग दुसऱ्या वर्षी आयोजित करण्यात येणाऱ्या या परिषदेत जगभरातील प्रतिनिधी सहभागी होणार आहेत.
या कार्यक्रमाचे आयोजन तेलंगणाचे मुख्यमंत्री ए. रेवंत रेड्डी आणि काँग्रेसच्या परराष्ट्र व्यवहार विभागाचे प्रमुख सलमान खुर्शीद यांच्या नेतृत्वाखाली करण्यात आले आहे. आयोजकांच्या माहितीनुसार, ७० हून अधिक देशांतील एक हजारांपेक्षा अधिक प्रतिनिधींनी सहभाग निश्चित केला आहे. यामध्ये लोकप्रतिनिधी, धोरणकर्ते, विचारवंत आणि विविध क्षेत्रांतील तज्ज्ञांचा समावेश आहे.
या परिषदेत लोकशाही, आंतरराष्ट्रीय संबंध, माध्यमांचे स्वातंत्र्य आणि जागतिक राजकारण यांसारख्या विषयांवर चर्चा होणार आहे. दरम्यान, हेले लेंग यांच्या व्हिसाबाबतचा वाद आणि त्यावरील केंद्र सरकारची भूमिका याकडे आता लक्ष लागले आहे.
Ans: हैदराबाद येथे काँग्रेसच्या नेतृत्वाखाली आयोजित करण्यात आलेल्या 'इंडिया समिट'मध्ये माध्यमांचे स्वातंत्र्य, पत्रकारिता आणि लोकशाहीचे भविष्य या विषयांवर भाष्य करण्यासाठी त्या भारतात येणार होत्या.
Ans: विमानतळाकडे निघण्याच्या अवघ्या १० मिनिटे आधी नॉर्वेमधील भारतीय दूतावासातून फोन करून गृह मंत्रालयाच्या आदेशानुसार त्यांचा व्हिसा रद्द करण्यात आल्याचे सांगण्यात आल्याचा दावा त्यांनी केला आहे.
Ans: त्यांनी सोशल मीडिया प्लॅटफॉर्म 'एक्स'वर पोस्ट आणि व्हिडिओ संदेश शेअर करत केंद्रीय गृहमंत्री अमित शाह यांना या प्रकरणात हस्तक्षेप करण्याचे आवाहन केले आहे.
