महिलांच्या आत्मशोधाचं गाणं, ‘गुलाबी’मधील ‘फिरुनी नव्याने जन्मेन मी’ प्रेक्षकांच्या भेटीला..

महिलांच्या स्वत्वाचा शोध आणि आयुष्याकडे पाहाण्याच्या नवीन दृष्टिकोन पाहणारा ‘गुलाबी’ चित्रपटातील ‘फिरुनी नव्याने जन्मेन मी’ प्रेरणादायी गाणं प्रेक्षकांच्या भेटीला आलं आहे.

‘गुलाबी’ चित्रपटातील आणखी एक प्रेरणादायी गाणं ‘फिरुनी नव्याने जन्मेन मी’ प्रेक्षकांच्या भेटीला आलं आहे. महिलांच्या स्वत्वाचा शोध आणि आयुष्याकडे पाहाण्याच्या नवीन दृष्टिकोनाबद्दल हे गाणं आहे. महिलांनी आपल्या जीवनात केलेल्या अनेक तडजोडी, त्यातून हरवलेलं अस्तित्व, आणि शेवटी स्वतःसाठी उभं राहाण्याची ताकद या गाण्यातून मांडली गेली आहे.

हे देखील वाचा- होंबले फिल्म्स आणि ऋषभ शेट्टीने ‘कांतारा चॅप्टर १’ साठी उभारले कुंदापूर येथे भव्य आणि सुंदर कदंब साम्राज्य!

अदिती द्रविड यांचे गीत असलेल्या या गाण्याला साई-पियुष यांच्या संगीताने सजवलं आहे, तसेच आर्या आंबेकरचा सुमधुर आवाज या गाण्याला लाभला आहे. हे गाणं प्रत्येक स्त्रीला तिच्या आयुष्यात स्वतःला शोधण्याची प्रेरणा देणारं आहे. या गाण्यातून स्त्रियांच्या जीवनातील संघर्ष आणि नव्या सुरुवातीचा एक सुंदर प्रवास उलगडतो.

चित्रपटाचे दिग्दर्शक अभ्यंग कुवळेकर म्हणतात, ‘‘स्त्री ही कायमच दुसऱ्यांसाठी जगत आलेली आहे. कधी कधी ती स्वतःला इतकं विसरते की स्वतःचा शोध घेण्याची वेळ येते. ‘फिरुनी नव्याने जन्मेन मी’ हे गाणं अशा प्रत्येक स्त्रीला स्वतःसाठी काही करण्याची प्रेरणा देणारं आहे.”

हे देखील वाचा- अक्षय कुमारच्या ‘स्काय फोर्स’मध्ये निम्रत कौरची एन्ट्री, चित्रपट या दिवशी सिनेमागृहात होणार दाखल!

व्हायोलेट फ्लेम मोशन पिक्चर्स प्रस्तुत ‘गुलाबी’ चित्रपटाचे निर्माते सोनाली शिवणीकर, शीतल शानभाग, अभ्यंग कुवळेकर आणि स्वप्नील भामरे आहेत. तर अभ्यंग कुवळेकर दिग्दर्शित या चित्रपटात अश्विनी भावे, मृणाल कुलकर्णी, आणि श्रृती मराठे यांच्या प्रमुख भूमिका आहेत. २२ नोव्हेंबर रोजी हा चित्रपट प्रेक्षकांच्या भेटीस येणार आहे.