मराठमोळ्या अभिनेत्याचं नाटक पाहण्यासाठी आला ‘मिस्टर परफेक्शनिस्ट’! भलीमोठी पोस्ट लिहित सांगितला अनुभव

सध्या शुभंकर एकबोटे ‘Runaway Brides’ नाटकामुळे चर्चेत आहे. हे नाटक पाहण्यासाठी आमिरने उपस्थिती लावली होती. शुभंकरने अमिरसोबतच्या भेटीदरम्यानचा अनुभव भलीमोठी पोस्ट शेअर करत सांगितला आहे.

मराठमोळ्या अभिनेत्याचं नाटक पाहण्यासाठी आला ‘मिस्टर परफेक्शनिस्ट’! भलीमोठी पोस्ट लिहित सांगितला अनुभव

Follow Us:

Follow Us:

जीवनात एकदा तरी आपल्या आवडत्या सेलिब्रिटीला भेटायचं हे प्रत्येकाचं स्वप्न असतं. मग तो कोणीही असो सामान्य माणूस किंवा एखादा कलाकार. अशाच एका मराठी अभिनेत्याचं स्वप्न सत्यात उतरलं आहे. अभिनेता शुभंकर एकबोटेचं आपल्या आवडत्या सेलिब्रिटीला भेटण्याचं स्वप्न पूर्ण झालं आहे. ज्याचे चित्रपट पाहून शुभंकर लहानाचा मोठा झाला, ज्याचा अभिनय पाहून अभिनयाबद्दल मनात आवड निर्माण झाली अशा ‘मिस्टर परफेक्शनिस्ट’ला प्रत्यक्ष भेटण्याची संधी मिळाल्याने अभिनेता शुभंकर एकबोटे भारावून गेला आहे.

सध्या शुभंकर एकबोटे ‘Runaway Brides’ नाटकामुळे चर्चेत आहे. हे नाटक पाहण्यासाठी आमिरने उपस्थिती लावली होती. यावेळी नाटकात भूमिका साकारणाऱ्या प्रत्येक कलाकाराचं आमिरने बारकाईने लक्ष देऊन कौतुक केल्याचं शुभंकरने सांगितलं आहे. शुभंकरने अमिरसोबतच्या भेटीदरम्यानचा अनुभव भलीमोठी पोस्ट शेअर करत सांगितला आहे.

एक खून अनेक आरोपी, सुभेदारांच्या जावयाच्या हत्येचं रहस्य उलगडणार; ‘जिलबी’चा जबरदस्त ट्रेलर भेटीला

 

View this post on Instagram

 

A post shared by Shubhankar (@ekshubhankar)

शेअर केलेल्या पोस्टमध्ये शुभंकर एकबोटे म्हणतो,

“काबिल बनो काबिल… कामयाबी झक मारके पीछे आएगी
No Words To Express My Happiness & Gratitude For These Moments!
माझा जन्म १९९४ चा आणि मला माझ्या आई-बाबांनी अगदी लहानपणापासून मोठ्या पडद्यावर Theatre मध्ये जाऊन बरेच हिंदी-मराठी चित्रपट दाखवले. कदाचित आज मी या क्षेत्रात असण्यामागे काही महत्त्वाच्या कारणांपैकी तेच एक कारण असावं. लहानपणीच्या काही आठवणी एकदम Strong Images बनून आपल्या मनात कायम घर करून राहतात. 75mm च्या मोठ्या पडद्यावर अगदी पहिला चित्रपट जो मला दाखवला गेला तो होता ‘रंगीला’.

‘रंगीला’मधला ‘मुन्ना’ ते ‘लालसिंग चड्ढा’मधला ‘लालसिंग’ हा संपूर्ण प्रवास बघत मी लहानाचा मोठा झालो. या प्रवासात प्रत्येक टप्प्यावर Mr. Perfectionist ने त्याच्या प्रत्येक भूमिकेतल्या रंगीबेरंगी छटांनी माझ्या मनाला भुरळ घातली. मला त्याच्या कामाच्या प्रेमात पडायला लावलं. खरं सांगतो, जेव्हा त्यांना मी त्यांच्या Seat वर जाऊन बसताना बघितलं तेव्हा काही क्षण काहीच सुधरलंच नाही. मनात एकाच वेळी त्याने साकारलेली प्रत्येक Iconic भूमिका दिसायला लागली आणि त्यांची खास गाजलेली वाक्य घुमायला लागली! स्वतःला एकवटून सांगितलं की, आपल्याला फक्त आपलं काम मनापासून जीव ओतून करत राहायचं आहे समोर कोणीही असो… कदाचित हेच त्याने स्वतःला सांगितलं म्हणून आज तो Mr.Perfectionist आहे !

ज्या माणसाला आजपर्यंत आपण मोठ्या पडद्यावर बघितलं तो स्वतः प्रेक्षकांमध्ये बसून शांतपणे माझं काम बघतोय, आमचं नाटक Enjoy करतोय आणि नाटक संपल्यावर आमच्या संपूर्ण Team चं कौतुक करतोय, प्रत्येकाला जातीने आवर्जून त्याच्या/तिच्या कामाची दाद देतोय हे बघून इतकंच जाणवलं की यशाने कितीही मोठी उंची गाठली तरी तुमची मुळं जर मजबूत असतील तर प्रत्येक जण Perfectionist होऊ शकतो.

प्रेक्षकांनो! तुम्ही इतकं भरभरून प्रेम दिलं त्याबद्दल तुमचे मनापासून आभार! २०२५ ची सुरुवात हाऊसफुल्ल शोने झालेली आहे. याचं क्रेडिट आमच्या ‘Runaway Brides’ या संपूर्ण टीमचं आहे. माझ्यावर विश्वास ठेवून इतकी मोठी संधी दिल्याबद्दल संपूर्ण टीमचे मनापासून आभार.”

निस्तेज चेहरा अन् विस्कटलेले केस… डेंग्यू झाल्यानंतर टायगर श्रॉफला ओळखणंही झालं कठीण; पाहा Photo

Web Title: Shubhankar ekbote meets aamir khan writes special post for mr perfectionist

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com