'सुख म्हणजे नक्की काय असतं' फेम अभिनेत्याने बायकोला दिलं स्पेशल गिफ्ट, पोस्ट शेअर करत म्हणाला...
मुंबईत स्वतःचं हक्काचं घर असावं, असं प्रत्येकाचं स्वप्न असतं. अगदी सामान्यांपासून सेलिब्रिटींपर्यंत सर्वांनाच या मायानगरीत घर असावे, असं वाटतं. असंच स्वप्न ‘सुख म्हणजे नक्की काय असतं’ मालिकेतील अभिनेता कपिल होनरावचं होतं. कपिलचं हे स्वप्न आता पूर्ण झालं आहे. त्याने स्वतः साठी मुंबईत आलिशान घर खरेदी केली आहे. ही आनंदाची बातमी कपिलने सोशल मीडियाद्वारे चाहत्यांना दिली आहे.
कपिल होनरावने मुंबईतील अंधेरीमध्ये स्वत: चं हक्काचं घर खरेदी केलं आहे. याचा व्हिडीओ त्याने सोशल मीडियावर शेअर करत आनंदाची बातमी चाहत्यांना दिली आहे. आपल्या अधिकृत इन्स्टाग्राम अकाउंटवर कपिलने नव्या घराची झलक दाखवणारा व्हिडीओ पोस्ट केल्याचा पाहायला मिळतोय. व्हिडिओ शेअर करत अभिनेत्याने भलं मोठं कॅप्शन देत चाहत्यांना गुड न्युज दिली आहे. शेअर केलेल्या पोस्टमध्ये अभिनेत्याने लिहिलंय की,
“मुंबईत स्वतःचं घर घेणं आणि ते ही अंधेरी सारख्या ठिकाणी… ४ कपडे आणि एक छोटी शी बॅग आणि खिश्यात १५०० रुपये घेऊन… गावावरून अभिनयाचं स्वप्न घेऊन येणाऱ्या माझ्यासारख्या पोरासाठी खूप मोठी गोष्ट आहे. मुंबईत आलो तेव्हा भांडुपला १० बाय १० च्या खोलीमध्ये राहताना जीव गुदमरल्या सारखा व्हायचा माझा. काडीपेटी सारखी घरं वाट्याची… अस वाटायंचं यार कुठे आलोय आपण. मुंबई फिल्म मध्ये जशी पाहतो तशी नाहीये. कुठे राहतोय आपण… ऑडिशनसाठी अंधेरीला यायचो तेव्हा मोठ्या मोठ्या इमारती पाहिल की वाटायच यार ही खरी मुंबई इथे घर असल पाहिजे. ऑडिशन झाल की मित्रांसोबत फिरताना उगाच बोलायचो इथे घर घेईन मी, तु तिथे घे… पण त्या वेळी ते फक्त दिवा स्वप्न असायचं. ही मुंबई लगेच आपलसं नाही करत तुम्हाला. खूप परीक्षा घेते. तुमच temperament चेक करते. खूप वेळा ही मुंबई सोडून घरी परत जावसं वाटायचं. पण माझ्यासोबत कायम एक खंबीर मुलगी होती. अगदी सुरवातीपासून. आज ह्या मुंबईत आणि इंडस्ट्रीमध्ये मी फक्त आणि फक्त तिच्यासोबती मुळे आहे आणि हे घर सुद्धा तिच्या सोबती शिवाय शक्यच झाल नसतं… पैसे आले की उधळ पट्टी करणारा मी पण एक एक रुपया जपून ठेवायची अक्कल तिने दिली… रेणू आज मला खूप आनंद होतोय की तुला मी हे घर गिफ्ट म्हणून देतोय. हे माझं नाही तर तुझं घर आहे आणि ह्या फाटक्या पोराचा हात ज्या विश्वासाने तू धरलास. आई वडिलांच्या विरोधात जाऊन तू माझ्याशी लग्न केलंस त्याने लग्नानंतर ५ वर्षांत, इतक्या कमी वयात करोडोच्या वरचं घर घेतलं. तू नेहमी बोलतेस… ‘आप खुद पे विश्वास करो आप कर लोगे’ आज मला खूप आनंद होतोय. की तुझा विश्वास मी सार्थ ठरवला. I love you.. just be with me…”
“रोमिओ अँड ज्युलिएट” फेम अभिनेत्री ऑलिव्हिया हसीचे निधन, वयाच्या ७३ व्या वर्षी घेतला अखेरचा श्वास
कपिल होनरावच्या कामाबद्दल बोलायचं झालं तर, गेल्या काही दिवसांपूर्वीच कपिल काम करत असलेल्या ‘सुख म्हणजे नक्की काय असतं’ या लोकप्रिय मालिकेने प्रेक्षकांचा निरोप घेतला. या मालिकेच्या दोन्ही पर्वात कपिल पाहायला मिळाला होता. ‘सुख म्हणजे नक्की काय असतं’ मालिकेच्या पहिल्या पर्वानंतर कपिल ‘जय जय शनिदेव’, ‘निवेदिता माझी ताई’ या मालिकेत झळकला होता.
.png "Videos"){kind=small}
