अभिमानास्पद! दिग्गज अभिनेते अशोक सराफ यांचा पद्मश्री पुरस्काराने सन्मान

दिग्गज अभिनेते अशोक सराफ यांना पद्मश्री पुरस्काराने सन्मानित करण्यात आले आहे. याबाबत पोस्ट स्वतः अशोक सराफ यांनी शेअर केली आहे.

फोटो सौजन्य - Social Media

Follow Us:

Follow Us:

महाराष्ट्राच्या मराठी रंगभूमीचा दिग्गज चेहरा आज पद्मश्री या मनाच्या पुरस्काराने गौरवला गेला आहे. मराठी सिनेसृष्टीचे मामा म्हणून ओळखले जाणारे दिग्गज अभिनेते अशोक सराफ यांना पद्मश्री पुरस्काराने गौरवण्यात आले आहे. हे क्षण संपूर्ण मराठी रंगभूमीसाठी, मराठी सिनेसृष्टीसाठी आणि मराठी प्रेक्षकांसाठी अतिशय अभिमानाचे क्षण आहे. अगदी ७०च्या दशकापासून ते आजवर अनेक सिनेमांच्या माध्यमातून अशोक सराफ यांनी मराठी प्रेक्षकांचे मनोरंजन केले आहे. मराठी रंगभूमीसाठी त्यांचे योगदान फार मोलाचे आहे.

‘सुंदर मी होणार’ नाटकात दमदार मराठी कलाकारांची फळी, पोस्टर रिलीज

दिग्गज अभिनेते अशोक सराफ यांना हल्लीच महाराष्ट्र भूषण पुरस्काराने गौरवण्यात आले होते. तसेच Zee चित्र गौरव पुरस्काराने पुरस्कारित करण्यात आले होते. पद्मश्री या मानाच्या पुरस्काराने सन्मानित केल्याने संपूर्ण मराठी रंगभूमीची मान उंचावली गेली आहे. जानकी या मराठी चित्रपटातून त्यांनी चित्रपटसृष्टीत पदार्पण केले होते. यानंतर दोन्ही घरचा पाहुणा, जवळ ये लाजू नको तसेच दुनिया करी सलाम’ या काही चित्रपटातून ते महाराष्ट्राच्या घरोघरी पोहचले. पुढे रंगभूमीवर अनेक नाटके केली.

 

View this post on Instagram

 

A post shared by Ashok Saraf (@ashoksaraf_official)

पुढे दिग्गज अभिनेते लक्ष्मीकांत बेर्डे आणि महेश कोठारे यांच्यासोबत अनेक चित्रपट करत अशोक सराफ यांनी विनोदी अभिनेता म्हणून एक वेगळी ओळख रसिकांच्या मनावर कोरली. त्यांनी आजवर २५० पेक्षा अधिक सिनेमे केले आहेत. अशोक सराफ यांचे हे यश फार मोठे आहे. मराठी सिनेसृष्टीसाठी आणि रंगभूमीसाठी त्यांचे योगदान फार मोठे आहे. अशोक सराफ यांना पद्मश्रीने पुरस्कारित केले म्हणजेच संपूर्ण मराठी सिनेसृष्टीचे गौरव करण्यासारखे आहे.

शशिकांत धोत्रेंच्या कलाकृतीतील पहिलं गाणं रिलीज, मनाला गुंतवून ठेवणारं एक कोवळं प्रेमगीत तुम्ही ऐकलंत का?

अभिनेते अशोक सराफ यांनी त्यांच्या सोशल मीडिया हँडलवर ही बातमी शेअर केली आहे. तसेच कॅप्शनमध्ये सगळ्यांचे आभार मानले आहे. त्यांनी कॅप्शनमध्ये लिहिले आहे की,” पद्मश्री हा सन्मान माझ्या जीवनातील एक विशेष क्षण आहे. मी महाराष्ट्र शासनाचे आभार मानतो. माझ्या कुटुंबीयांचे, सहकलाकारांचे आणि प्रेक्षकांचेही आभार! तुमच्या प्रेमाशिवाय हे शक्य झालं नसतं. तुमचा प्रेम आणि आशिर्वाद कायम असाच राहू द्या.”

Web Title: Veteran actor ashok saraf honoured with padma shri award

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com