शनिवार, 14 नोव्हेंबर 2026
ज्येष्ठ अभिनेते यशवंत सरदेशपांडे यांचे हृदयविकाराच्या झटक्याने निधन (Photo Credit- X)
मिळालेल्या माहितीनुसार, सरदेशपांडे अलीकडेच एका नाटकात काम करत होते आणि ते नेहमीप्रमाणेच उत्साहाने कामात व्यस्त होते. गेल्या काही काळापासून त्यांची प्रकृती ठीक नसली तरी, त्यांनी आपल्या कामावर पूर्ण लक्ष केंद्रित केले होते. रविवारी रात्री त्यांना अचानक छातीत तीव्र वेदना जाणवल्याने बंगळुरू येथील एका खाजगी रुग्णालयात दाखल करण्यात आले, पण डॉक्टरांना त्यांना वाचवता आले नाही.
#Kannada filmmaker and theatre artist #YashwanthSardeshpande passed away at 61, due to cardiac arrest on Monday morning.
#KFI #kannadacinema #kannadatheatre #rangabhoomi #kannadaangabhoomi #lastestupdates pic.twitter.com/TEeGoMPlwJ — Bangalore Times (@BangaloreTimes1) September 29, 2025
यशवंत सरदेशपांडे हे केवळ एक अभिनेते नव्हते, तर नाट्यविश्वातील एक मार्गदर्शक होते. त्यांनी गुरू थिएटर फाउंडेशन ची स्थापना केली, ज्याद्वारे त्यांनी अनेक तरुण कलाकारांना प्रशिक्षण दिले आणि त्यांना संधी दिली. त्यांनी त्यांच्या कारकिर्दीत १०० हून अधिक नाटके लिहिली आणि दिग्दर्शित केली, तसेच ३० हून अधिक चित्रपटांमध्येही काम केले. कन्नडसोबतच त्यांनी हिंदी आणि इंग्रजी रंगभूमीवरही मोठे योगदान दिले. त्यांच्या विनोदी आणि सामाजिक विषयांवरील व्यंगात्मक नाटकांना प्रेक्षकांनी खूप पसंती दिली होती.
सरदेशपांडे यांच्या निधनानंतर, दक्षिण भारतीय चित्रपट आणि नाट्यसृष्टीतील अनेक दिग्गजांनी सोशल मीडियावर त्यांना श्रद्धांजली वाहिली आहे. कर्नाटकचे मुख्यमंत्री आणि इतर राजकीय नेत्यांनीही हे कलाविश्वाचे मोठे नुकसान असल्याचे म्हटले आहे. त्यांचे शिष्य आणि सहकलाकार त्यांना ‘गुरू’ आणि ‘प्रेरणास्थान’ म्हणून आठवत आहेत, ज्यांनी आपले संपूर्ण जीवन कलेला वाहिले.
