गुरुवार, 13 ऑगस्ट 2026
१३ ऑगस्टपासून श्रावण महिन्याला सुरुवात झाली आहे. श्रावण महिना हिंदू धर्मात अतिशय पवित्र मानला जातो. या महिन्यात भगवान शंकराची मनोभावे पूजा केली जाते. रुद्राक्ष हा भगवान शंकराशी जोडलेला एक पवित्र आणि दिव्य मणी आहे. रुद्राक्षाचे झाड प्रामुख्याने हिमालयाच्या परिसरात, नेपाळ, भूतान आणि केदारनाथ दिसून येते. ध्यान आणि जप करणाऱ्या साधकांसाठी रुद्राक्षाच्या माळेचा वापर केला जातो. सोमवार, महाशिवरात्री, श्रावण महिन्यात रुद्राक्ष धारण करणे अतिशय शुभ मानले जाते. त्यामुळे या डिझाईनचे रुद्राक्ष दागिने तुम्ही परिधान करू शकता. (फोटो सौजन्य – pinterest)
शिवभक्तीला द्या स्टायलिश टच! पहा रुद्राक्ष दागिन्यांचे ट्रेंडी कलेक्शन
रुद्राक्ष चांदी किंवा सोन्यात परिधान केला जातो. गळ्यातील चैनीमध्ये लहान आकाराच्या रुद्राक्षाचे पेंडेंट अतिशय सुंदर दिसेल. श्रावण महिन्यात गळ्यात रुद्राक्ष घालणे शुभ मानले जाते.
साध्या आणि मोहक लुकसाठी हातामध्ये रुद्राक्ष ब्रेसलेट अतिशय उत्तम आहे. हे ब्रेसलेट तुम्ही कुर्ती, साडी किंवा इंडो-वेस्टर्न पोशाखासोबत सहज स्टाईल करू शकता.
अनेकांना गळ्यात रुद्राक्षाची माळ परिधान करायला आवडते. गळ्यात रुद्राक्षाची माळ घालण्यामागे अनेक धार्मिक कारणे सुद्धा आहेत.
अनेकांना कमीत कमी वजनाचे दागिने घालायला खूप जास्त आवडतात. अशांनी बोटांमध्ये रुद्राक्षाची अंगठी परिधान करावी. ही अंगठी तुम्ही सोनं किंवा चांदीमध्ये सुद्धा घालू शकता.
साडी नेसल्यानंतर इतरांपेक्षा हटके लुक हवा असेल तर या डिझाईनचे रुद्राक्ष नेकलेस तुम्ही परिधान करू शकता.
