निरोगी जीवनशैली जगण्यासाठी शरीराला हेल्दी फॅट्सची आवश्यकता असते. हेल्दी फॅट्स शरीर निरोगी ठेवण्याचे आणि शरीराला ऊर्जा देण्याचे काम करतात. त्यामुळे रोजच्या आहारात हेल्दी आणि पौष्टिक पदार्थांचे सेवन करावे, ज्या पदार्थांमध्ये चांगल्या चरबीयुक्त गुणधर्मांचा समावेश असेल. चांगले फॅट्स शरीराला विटामिन के, ए, डी आणि विटामिन ई इत्यादी पदार्थांमधून मिळतात. त्यामुळे आज आम्ही तुम्हाला कोणत्या निरोगी फॅट्सचे आहारात सेवन करावे,याबद्दल सांगणार आहोत. हे पदार्थ खाल्यामुळे आरोग्य सुधारण्यास मदत होईल.(फोटो सौजन्य-istock)
हेल्दी फॅट्सचे आहारात करा सेवन
भोपळ्याच्या बियांचे वापर सॅलड किंवा पुडिंग बनवताना केला जातो. या बियांमध्ये जस्त आणि चांगले फॅट्स आढळून येतात. भोपळ्याच्या बियांचे नियमित सेवन केल्यास रोगप्रतिकारशक्ती वाढण्यास मदत होते.
रोजच्या आहारात कमीत कमी २ अंड्यांचे सेवन करावे. अंड्यात प्रोटीनचे प्रमाण अधिक असते. अंड्यात असलेल्या पिवळ्या बल्कमध्ये चांगले फॅट्स आढळून येतात.
ओमेगा-३ फॅटी ॲसिड आणि अँटी-ऑक्सिडंट्सयुक्त चिया सीड्स आरोग्यासाठी गुणकारी आहेत. वाढलेले वजन कमी करण्यासोबतच त्वचेचे आरोग्य निरोगी ठेवण्यासाठी चिया सीड्स मदत करतात.
ऑलिव्ह तेलाचा वापर जेवणातील पदार्थ बनवण्यासाठी केला जातो. या तेलात मोनोअनसॅच्युरेटेड फॅट्स आढळून येतात. जे हृदयासाठी अतिशय गुणकारी आहेत.
एवोकॅडोमध्ये मोनोअनसॅच्युरेटेड फॅट्स मोठ्या प्रमाणावर आढळून येतात. हे फॅट्स हृदयाच्या आरोग्यासाठी अतिशय गुणकारी आहेत., तसेच एवोकॅडो खाल्यामुळे शरीरात कोलेस्ट्रॉलची पातळी नियंत्रणात राहण्यास मदत होते.
