बुधवार, 23 सप्टेंबर 2026
कोणत्याही वयातील मुलांमुलींना हार्ट अटॅक येऊ शकतो. हृदयविकाराच्या झटक्याने मृत्यू होणाऱ्या रुग्णांच्या संख्येत झपाट्याने वाढ होत आहे. बदललेली जीवनशैली, कामाचा वाढलेला तणाव, शारीरिक हालचालींचा अभाव आणि कायमच जंक फूडचे अतिप्रमाणात सेवन केल्यामुळे हृदयाच्या आरोग्याला हानी पोहचते. रक्तवाहिन्यांमध्ये साचून राहिलेल्या चिकट थरामुळे रक्तप्रवाहात अडथळे निर्माण होतात, ज्याच्या परिणामामुळे कोणत्याही क्षणी हार्ट अटॅक येऊ शकतो. त्यामुळे तरुण वयात हार्ट अटॅकपासून बचाव करण्यासाठी आहारात या पदार्थांचा नक्कीच समावेश करा. (फोटो सौजन्य – istock)
तरुण वयात हार्ट अटॅकचा धोका टाळण्यासाठी आहारात करा 'या' पदार्थांचा समावेश, हृदय राहील मजबूत
हृदयाचे आरोग्य निरोगी ठेवण्यासाठी खाल्ला जाणारा एकमेव पदार्थ म्हणजे अक्रोड. सकाळच्या नाश्त्यात नियमित दोन भिजवलेले अक्रोड खावेत. यामध्ये असलेले ओमेगा ३ हृदय सक्रिय ठेवण्यास मदत करते.
किमतीने महाग असलेली ब्लु बेरी हृदयासाठी वरदान मानली जाते. यामध्ये असलेले अँटी ऑक्सिडंट्स आणि इतर आवश्यक घटक हृदयाला आवश्यक पोषण देतात.
आठवड्यातून दोनदा बीटचा रस प्यावा. बीटचा रस प्यायल्यामुळे रक्तवाहिन्या स्वच्छ होतात आणि शरीराला आवश्यक फायबर मिळते. फायबर युक्त पदार्थ हृदय मजबूत ठेवण्यास मदत करतात.
अव्हाकॅडोमध्ये मोनोअनसॅच्युरेटेड फॅट्स असतात, ज्यामुळे वाढत्या कोलेस्ट्रॉलची पातळी संतुलित राहण्यास मदत होते. सकाळच्या नाश्त्यात अव्हाकॅडो स्मूदी बनवून पिऊ शकता.
हृदयाचे आरोग्य निरोगी ठेवण्यासाठी आहारातून जंक फूड, तिखट किंवा तेलकट पदार्थ पूर्णपणे काढून टाकावेत, अन्यथा भविष्यात गंभीर आजारांचा धोका वाढून आरोग्य बिघडू शकते.
