शुक्रवार, 30 ऑक्टोबर 2026
फळे ही आरोग्यासाठी फायदेशीर असतात. त्यामुळे त्यांचा आहारात नियमित समावेश करण्याचा सल्ला दिला जातो. परंतु तुम्हाला माहित आहे का, काही अशी फळे जी त्यांच्या चव, रंग किंवा सुगंधापेक्षा त्यांच्या अफाट किमतींमुळे जास्त प्रसिद्ध आहेत. मात्र, सामान्य बाजारात त्यांची विक्री होत नाही. ज्यापैकी एका फळाची किंमत २२ लाख रुपये आहे. आज आम्ही तुम्हाला जगातील सर्वात महागड्या फळांबद्दल सांगणार आहोत, ज्यांच्या किमती ऐकून तुम्हाला आश्चर्य वाटेल. जाणून घ्या (Most expensive fruits in the world)
photo- Ai generated
होक्काइडो टरबूज (जपान) याला 'युबारी किंग' टरबूज म्हणूनही ओळखले जाते. याची किंमत अंदाजे २५,००० डॉलर्स किंवा सुमारे २२ लाख रुपये आहे. याची लागवड जपानमधील होक्काइडोच्या एका विशेष प्रदेशात केली जाते. याची चव अत्यंत गोड, सुगंध अप्रतिम आणि गर रसरशीत असतो. जपानमध्ये श्रीमंत लोक हे भेट म्हणूनही देतात.
रुबी रोमन ग्रेप (जपान)ही द्राक्षे जगातील सर्वात महागड्या द्राक्षांपैकी एक मानली जातात. एका पोत्याची किंमत ८,४०० डॉलर आहे. ही द्राक्षे आकाराने मोठी, गडद लाल रंगाची आणि अत्यंत गोड असतात. ती सर्वसामान्य बाजारात उपलब्ध नसतात, परंतु लिलावात विकली जातात.
डेन्सुके कलिंगड (जपान) काळ्या सालीचे हे वैशिष्ट्यपूर्ण कलिंगड ६,००० डॉलर्सला विकले जाते. ते केवळ जपानच्या होक्काइडो प्रदेशातच पिकते. त्याची चव सर्वसाधारण कलिंगडांपेक्षा खूपच गोड आणि अधिक सुगंधी असते.
बिजेम दुर्यान (थायलंड)दुरियन फळ आशियामध्ये लोकप्रिय आहे, पण त्याचा 'बिजेम' नावाचा प्रकार अत्यंत दुर्मिळ आहे. ते लोण्यासारखे मऊ आणि सुगंधी असते. त्याची किंमत २,५०० डॉलर्सपर्यंत असू शकते.
हेलिगन गार्डन्स अननस (इंग्लंड) इंग्लंडमधील हेलिगनच्या हरवलेल्या बागांमध्ये पिकवलेल्या या अननसाची किंमत १, ५०० डॉलर्स आहे. ते एका अत्यंत विशिष्ट पद्धतीने पिकवले जाते, ज्यामुळे त्याला गोडवा आणि अप्रतिम सुगंध येतो.
तैयो नो तामागो आंबा (जपान) हा एक जपानी विशेष आंबा आहे . जो पिकल्यावर लालसर-नारंगी रंगाचा होतो. त्याच्या अंड्यासारख्या आकारामुळे त्याला 'सूर्य अंडं' म्हणून ओळखले जाते. त्याची किंमत १०० ते २०० डॉलरच्या दरम्यान असते.
