उन्हाळा ऋतूला सुरुवात झाल्यानंतर बाजारात कलिंगड, अननस इत्यादी अनेक फळे उपलब्ध होतात. शरीरात वाढलेली उष्णता कमी करण्यासाठी विविध फळांचे आणि भाज्यांचे सेवन केले जाते. पण बऱ्याचदा अनेकांना प्रश्न पडतो की पोटात वाढलेली उष्णता कमी करण्यासाठी कलिंगड खावं की अननस? इत्यादी अनेक प्रश्न मनात निर्माण होतात. उन्हाळ्याच्या दिवसांमध्ये शरीराला हायड्रेशनची जास्त आवश्यकता असते. कारण घामावाटे शरीरातील पाणी बाहेर पडून गेल्यानंतर खूप जास्त थकवा, अशक्तपणा येऊन डोकेदुखी आणि आरोग्यासंबंधित गंभीर समस्या उद्भवतात. चला तर अननस आणि कलिंगड खाण्याचे फायदे. (फोटो सौजन्य – istock)
अननस की कलिंगड? उन्हाळ्यात पोटात थंडावा टिकवून ठेवण्यासाठी कोणते फळ ठरेल प्रभावी, जाणून घ्या सविस्तर
उन्हाळा ऋतूला सुरुवात झाल्यानंतर बाजारात विविध रंगांची फळे उपलब्ध होतात. त्यात अतिशय आवडीने अननस आणि कलिंगड खाल्ले जाते. या दोन्ही फळांमध्ये भरपूर पाणी असते. याशिवाय वेगवेगळे विटामिन फळांमध्ये आढळून येतात.
अननसमध्ये ब्रोमेलेन नावाचे एन्झाईम आढळून येते, यामुळे पचनक्रिया सुधारते. तसेच यादिवसांमध्ये जास्त भूक लागत नाही. रोगप्रतिकारशक्ती आणि पचनशक्ती वाढवण्यासाठी अननस खावा.
शरीरातील कमी झालेली पाण्याची पातळी भरून काढण्यासाठी कलिंगड खावे. कलिंगड खाल्ल्यामुळे शरीराला भरमसाट फायदे होतात. आठवड्यातून दोनदा किंवा तीनदा कलिंगड खाल्ल्यास थकवा, अशक्तपणा कमी होईल. कलिंगडमध्ये ९२ टक्के पाणी असते.
अननस संध्याकाळच्या नाश्त्यात किंवा सकाळच्या नाश्त्यात खावे. ही दोन्ही फळे खाल्ल्यामुळे शरीराला आवश्यक प्रमाणात पाणी मिळते.याशिवाय शरीरात वाढलेला थकवा सुद्धा कमी होतो.
कलिंगड खाल्ल्यामुळे शरीर हायड्रेट राहते आणि किडनीमधील विषारी घटक बाहेर पडून जातात. तसेच यामध्ये सिट्रुलिन नावाचे अमिनो नावाचा घटक आढळून येते. रक्तदाब नियंत्रित करण्यासाठी आणि स्नायूंमधील थकवा कमी करण्यासाठी कलिंगड खाल्ले जाते.
