वयाच्या तिशीनंतर महिलांच्या शरीरातील कमी झालेले कोलेजनची पातळी भरून काढण्यासाठी नियमित खा ‘हे’ पदार्थ

टोमॅटोमधील लायकोपीन सूर्याच्या हानिकारक किरणांपासून त्वचेचे रक्षण करते. जेवणातील अनेक वेगवेगळे पदार्थ बनवण्यासाठी टोमॅटोचा वापर केला जातो. यामध्ये असलेल्या विटामिन सी मुळे त्वचा उजळदार होते.

हिरव्या पालेभाज्या शरीरासाठी वरदान आहेत. रोजच्या आहारात एकतरी पालेभाजी नेहमीच खावी. यामुळे शरीराला भरपूर पोषण मिळते आणि कोलेजनची पातळी वाढण्यास मदत होते.

लसूणमध्ये सल्फर नावाचा घटक आढळून येतो, ज्यामुळे कोलेजन तयार होते. शरीरात जमा झालेले विषारी घटक बाहेर काढून टाकण्यासाठी नियमित एक कच्ची लसूण पाकळी चावून खावी.

आवळा शरीरासाठी सुपरफूड मानला जातो. आवळ्याचे सेवन केल्यामुळे शरीराला भरपूर विटामिन सी मिळते आणि चेहऱ्यावर नैसर्गिक चमक येते. त्वचा मजबूत आणि चमकदार ठेवण्यासाठी नियमित एक आवळा खावा.

बदाम, अक्रोड, काजू, जवस आणि चिया बियांमध्ये झिंक आणि निरोगी चरबी असतात. ज्यामुळे कोलेजन वाढण्यास मदत होते. नियमित सकाळी उठल्यानंतर सुका मेवा खावा.