मंगळवार, 3 नोव्हेंबर 2026
स्मार्टफोन आणि स्मार्टवॉचप्रमाणेच लॅपटॉप देखील आपल्यासाठी महत्त्वाच्या गॅझेट्सपैकी एक आहे. कॉलेजचा प्रोजेक्ट असो किंवा ऑफीसचं काम, लॅपटॉपवर सर्वकाही शक्य आहे. अनेकांना सवय असते की, लॅपटॉपवर काम करताना बाजूला पाण्याचे ग्लास ठेवयाची. काहीवेळेस चूकून आपला धक्का लागल्यास ग्लासातील पाणी थेट लॅपटॉपच्या किबोर्डवर पडू शकते. अशावेळी अनेक लोकं घाबरतात आणि काय करावे त्यांना सूचत देखील नाही. अशावेळी घाईघाईत केलेली चूक तुमच्या लॅपटॉपचा मदरबोर्ड खराब करू शकते. लॅपटॉपवर पाणी पडल्यास घाबरू नका, काही सोप्या पद्धती फॉलो करा. (फोटो सौजन्य: Pinterest)
Laptop Tips: लॅपटॉपवर चुकून पाणी पडलं? घाबरू नका, डिव्हाइसचं नुकसान टाळण्यासाठी वापरा 'हे' उपाय
लॅपटॉपवर पाणी पडल्यास सर्वात आधी पावर बटन 5 ते 7 सेकंदांपर्यंत दाबून ठेवा आणि लॅपटॉप बंद करा. लॅपटॉपला कनेक्ट असलेले चार्जर, माऊस, डोंगल, पेन ड्राईव्ह त्वरित काढून टाका.
लॅपटॉपची बॅटरी बाहेर निघू शकत असेल तर वेळ वाया न घालवता बॅटरी डिव्हाईसपासून वेगळी करा. कारण जोपर्यंत लॅपटॉपमध्ये बॅटरी असते, त्यावर पाणी पडल्यास शॉर्ट सर्किट होऊ शकते.
एका मायक्रोफाईबर कापडाने किंवा टिशू पेपरने किबोर्डवरील पाणी हलक्या हाताने पुसा. किबोर्डवरील सर्व पाणी व्यवस्थित स्वच्छ करा.
आता पुढील 24 ते 48 तासांसाठी लॅपटॉप टेंट पोझिशिनमध्ये पंख्याखाली ठेवा, ज्यामुळे पाणी पूर्णपणे सुकण्यासाठी मदत होईल.
लॅपटॉपवरील पाणी सुकवण्यासाठी हेअर ड्रायरचा वापर करणं धोकादायक ठरू शकतं. तसेच लॅपटॉप सुकवण्यासाठी तांदळाच्या डब्यात ठेऊ नका.
लॅपटॉपवरील पाणी साफ करण्यासाठी घाई-गडबड करू नका. अन्यथा तुमच्या एका छोट्या चुकीमुळे देखील डिव्हाईसचे नुकसान होऊ शकते.
