bandu jadhav
केंद्रीय मंत्रिमंडळाचा लवकरच विस्तार होण्याची चर्चा राजकीय वर्तुळात सुरू आहे. या संभाव्य विस्तारात एकनाथ शिंदे यांच्या नेतृत्वाखालील शिवसेनेच्या वाट्याला आणखी मंत्रिपदे येण्याची शक्यता व्यक्त केली जात आहे. या पार्श्वभूमीवर खासदार ओमराजे निंबाळकर आणि परभणीचे खासदार संजय बंडू जाधव यांची नावे चर्चेत असल्याचे बोलले जात आहे.
याबाबत बंडू जाधव यांना विचारले असता त्यांनी आपल्या मंत्रिपदाच्या शक्यतेवर स्पष्टपणे भाष्य केले. केंद्रीय मंत्रिमंडळाचा विस्तार कधी करायचा, हे भाजपचे वरिष्ठ नेते ठरवतील, असे त्यांनी सांगितले. मात्र, पक्षाने आपले नाव सुचवले तर मंत्रिपदाची संधी मिळू शकते, असे त्यांनी स्पष्ट केले.
“मला संधी मिळण्याचे चान्सेस 100 टक्के आहेत, असे मला वाटते,” असे बंडू जाधव यांनी म्हटले. मात्र, अंतिम निर्णय पक्षाच्या नेतृत्वाच्या हातात असल्याचेही त्यांनी स्पष्ट केले. मंत्रिपदाच्या चर्चेत असलेल्या प्रत्येकालाच संधी मिळावी असे वाटणे स्वाभाविक आहे. ओमराजे निंबाळकर, बारणे यांच्यासह आपल्यालाही मंत्रिपदाची अपेक्षा असल्याचे जाधव यांनी सांगितले. मात्र, कोणाला संधी द्यायची किंवा नाही, हा निर्णय नेतृत्व घेईल, असे त्यांनी स्पष्ट केले.
‘वारसाहक्काने पैसा मिळतो, पक्ष मिळत नाही’, रामदास कदमांचा उद्धव ठाकरेंना टोला
दरम्यान, शिवसेनेचे मुख्य नेते एकनाथ शिंदे 30 ऑगस्ट रोजी परभणी दौऱ्यावर येणार असल्याची माहिती बंडू जाधव यांनी दिली. यावेळी परभणीत शेतकरी शिवसैनिक संवाद मेळाव्याचे आयोजन करण्यात आले आहे. या मेळाव्यात शिंदे हे स्थानिक शेतकरी आणि शिवसैनिकांशी संवाद साधणार आहेत. त्यांच्या अडचणी, विकासकामे आणि स्थानिक प्रश्न जाणून घेण्याचा प्रयत्न या माध्यमातून केला जाणार असल्याचे जाधव यांनी सांगितले. परभणी शहर आणि जिल्ह्याच्या सर्वांगीण विकासासाठी एकनाथ शिंदे यांची गरज असल्याचेही त्यांनी नमूद केले.
शिवसेना ठाकरे गटाकडून काही खासदारांना नोटीस बजावण्यात आल्याच्या मुद्द्यावरही जाधव यांनी भाष्य केले. हा विषय पक्षाच्या पातळीवर हाताळला जात असून, पक्षाने यासाठी वकिलांची नियुक्ती केल्याचे त्यांनी सांगितले. आपण शिवसेनेच्या भूमिकेसोबत जाताना भविष्यातील कायदेशीर आणि राजकीय आव्हानांचा विचार केला होता. त्यामुळे पुढे येणाऱ्या परिस्थितीला सामोरे जाण्यास आपण तयार असल्याचे बंडू जाधव यांनी स्पष्ट केले.
त्यामुळे संभाव्य केंद्रीय मंत्रिमंडळ विस्तारात शिंदे गटाला किती प्रतिनिधित्व मिळते आणि त्यामध्ये बंडू जाधव यांना संधी मिळते का, याकडे आता राजकीय वर्तुळाचे लक्ष लागले आहे.
.png "Videos"){kind=small}
