CM Devendra Fadnavis : कोणतीच वोट चोरी नाही, त्यांचा मेंदू चोरीला गेलाय; मुख्यमंत्री फडणवीसांचा राहुल गांधींना टोला
मुख्यमंत्री देवेंद्र फडणवीस (CM Devendra Fadnavis) यांनी लोकसभेचे विरोधी पक्षनेते व काँग्रेसचे ज्येष्ठ नेते राहुल गांधी (Rahul Gandhi) यांच्यावर निशाणा साधला आहे. मुख्यमंत्री म्हणाले की, राहुल गांधी जरी संविधान दाखवत असले तरी त्यांचा प्लान काही वेगळाच आहे. त्यांचा हेतू संविधानाला समोर मांडत संविधानिक संस्थांची बदनामी करणे आहे.
पत्रकारांशी संवाद साधताना फडणवीस म्हणाले की, राहुल गांधी यांना एक अशी व्यवस्था साकारायची आहे, ज्यामुळे लोकांचा विश्वास संविधानीक संस्थांवरून उठला जाईल व देशात अराजकता पसरेल. जेव्हा जनतेला हे कळेल की, सध्याची संविधानिक संस्था त्यांना न्याय देऊ शकत नाही, तेव्हा या सर्व संस्थांना डाव्या विचारसरणीत ढकलले जाईल. हा राहुल गांधींची एक सुनियोजित डिझाइन आहे.
एसआयआर (SIR) आणि वोट चोरीच्या आरोपांवर मुख्यमंत्र्यांनी राहुल गांधी यांना काही प्रश्न विचारले. ते म्हणाले की, जर एसआयआरच्या माध्यमातून मतदार हटवले गेले, तर टीएमसी (तृणमुल काँग्रेस) कशी जिंकली. ते पुढे म्हणाले की, मी एक प्रश्न विचारू इच्छितो. पश्चिम बंगालच्या निवडणूकांत ज्या क्षेत्रांमुळे एसआयआरमळे मोठ्या प्रमाणात वोट कमी झाले, असे कमीत कमी 15 क्षेत्र आहेत, जिथे टीएमसी जिंकून आली आहे. जर एसआयआरच्या माध्यमातून जर भाजपने विरोधी विचारसरणीच्या मतदारांना हटवले असते, तर त्या मतदार संघात टीएमसी जिंकून कशी आली, हा माझा राहुल गांधी यांना प्रश्न आहे.
फडणवीस म्हणतात की, जिथपर्यंत एसआयआरचा प्रश्न आहे, तर सर्वांना तिथे संधी मिळते. प्रत्येक राजकीय पक्ष हा प्रत्येक बूथवर आपला बूथ लेव्हल एजेंट म्हणजेच बीएलए नियुक्त करू शकतो. बीएलएला आक्षेप नोंदवण्याचा अधिकार असतो. आपण मतदार यादीतील एक एक पाने व एक एका नावालर आक्षेप घेऊ शकता.
SIR ही मतदार यादी शुद्धीकरणाची प्रक्रिया; शिवसेना प्रवक्ते संजय निरुपम यांचं विधान
राहुल गांधींवर तिखट शब्दात प्रतिक्रिया देताना मुख्यमंत्री फडणवीस म्हणाले की, मी स्पष्ट शब्दात सांगू इच्छितो की, कोणतीच वोट चोरी झालेली नाही, पण राहुल गांधींचा मेंदू चोरीला गेलाय. आता जर त्यांचा मेंदू चोरीला गेलाय, तर मी पंतप्रधानांना विनंती करतो की, एखादी अशी कमिटी निर्माण करा, जी त्यांचा मेंदू शोधून परत आणेल, जेणेकरून देशाच्या हितासाठी ते नेहमीच सत्य बोलू शकतील.
तसेच राहुल गांधी यांनी प्रक्रियेत सहभागी व्हायला हवे.
ते फक्त विरोधात बोलतात. तुम्हाला ठाऊक आहे की, तुम्हाला जनता स्विकारत नाही व आपल्याकडे मुद्दे ही नाहीत, त्यामुळे काही तरी विचित्र वातावरण निर्माण करण्याचा प्रयत्न राहुल गांधी करत असल्याचे फडणवीस म्हणाले.
एसआयआरवर बोलताना मुख्यमंत्री म्हणाले की, जर एखाद्या पात्र मतदाराचे नाव वगळले गेले, तर ते आक्षेप नोंदवू शकतात. जर एखाद्या व्यक्तीचा नाव मतदार यादीत नाही, तर तेव्हाही आक्षेप घेता येतो. पण या प्रक्रियेत आपण सहभागच नाही घेतला, तर ही प्रक्रिया तुम्हाला कळणार तरी कशी? असा सवाल फडणवीस यांनी केला. तसेच या प्रक्रियेत पाच ते दहा टक्के गोंधळ झाला वा एखाद्या व्यक्तीचे नाव नोंदवायचे सुटले, तर नंतर ती व्यक्ती आपला आक्षेप नोंदवू शकतो असेही मुख्यमंत्री फडणवीस यांनी स्पष्ट केले.
.png "Videos"){kind=small}
