gunratna sadavarte
मुंबई : महाराष्ट्राच्या राजकारणात सध्या वेगवेगळ्या घडामोडींना वेग आला असतानाच गुणरत्न सदावर्ते यांनी पत्रकार परिषद घेऊन अनेक विषयांवर भाष्य केलं आहे. मुख्यमंत्री देवेंद्र फडणवीस, उद्धव ठाकरे आणि राज ठाकरे हे तिघे एकाच मंचावर आल्याच्या कार्यक्रमाचं त्यांनी कौतुक केलं. मात्र, याच पत्रकार परिषदेत उपमुख्यमंत्री एकनाथ शिंदे यांच्या मुख्यमंत्रीपदाबाबत केलेल्या विधानाने राजकीय चर्चांना नवा विषय मिळाला आहे. (Gunratna Sadawarte)
काल झालेल्या ग्रंथालीच्या पुस्तक प्रकाशन कार्यक्रमाबाबत बोलताना सदावर्ते म्हणाले की, “ते ऑरगॅनिक राजकारणी वाटत होते. नॅचरल कार्यक्रम होता. ग्रंथालीला सॅल्यूट आहे. असा कार्यक्रम ठेवला. ३ नेते रोज फ्लॉवरसारखे दिसले. महाराष्ट्राने वेगळा आदर्श घेतला.”
महाराष्ट्राला मोठा सांस्कृतिक ठेवा असल्याचं सांगत त्यांनी या कार्यक्रमाचं स्वागत केलं. तसेच, “काल ऑरगॅनिक पॉलिटिकल राजकारण दिसलं. राजकारणाच्या पलीकडे जाऊन विचार करायला पाहिजे,” असंही ते म्हणाले.
एकनाथ शिंदे यांच्या राजकारणावर भाष्य करताना सदावर्ते यांनी त्याला संकरित राजकारण म्हटलं. संजय शिरसाठ यांच्या विधानावर प्रतिक्रिया देताना त्यांनी थेट भूमिका मांडली.
“डंके की चोट पे सांगतोय उपमुख्यमंत्री एकनाथ शिंदे येत्या काळात मुख्यमंत्री होणार नाहीत,” असं सदावर्ते म्हणाले. हा त्यांचा राजकीय दावा असून त्याबाबत कोणतीही अधिकृत घोषणा झालेली नाही.
प्रदीप पूर्णेकर यांच्या कुटुंबीयांच्या संदर्भात बोलताना सदावर्ते यांनी पोलिसांना तपासात हयगय न करण्याचं आवाहन केलं. त्यांनी यावेळी एका दाढीवाल्या व्यक्तीचा किंवा डीसीपी अधिकाऱ्याचा उल्लेख करत संशय व्यक्त केला. मात्र, या आरोपांबाबत कोणतीही अधिकृत पुष्टी त्यांनी दिलेली नाही.
संजय गायकवाड यांच्या शेतकऱ्यांबाबतच्या वक्तव्यावरही सदावर्ते यांनी नाराजी व्यक्त केली. “शेतकऱ्यांबद्दल असं बोलणं किती दलबद्री आहे. ही कोणती विचारधारा आहे,” असा सवाल त्यांनी केला. दरम्यान, “आम्ही काही भाजपचे प्रवक्ते नाही आहोत,” असं स्पष्ट करत उद्धव ठाकरे यांनी मुख्यमंत्र्यांना दिवाळीच्या निमित्ताने घरी बोलावलं तर त्यांनी यायला हवं, असंही सदावर्ते म्हणाले.
Ans: "डंके की चोट पे सांगतोय उपमुख्यमंत्री एकनाथ शिंदे येत्या काळात मुख्यमंत्री होणार नाहीत," असं विधान गुणरत्न सदावर्ते यांनी केलं.
Ans: ग्रंथालीच्या कार्यक्रमाचं कौतुक करत त्यांनी हा नैसर्गिक आणि राजकारणाच्या पलीकडे जाणारा कार्यक्रम असल्याचं म्हटलं.
Ans: पूर्णेकर कुटुंबीयांसाठी पोलिसांनी तपासात कोणतीही हयगय करू नये, असं आवाहन गुणरत्न सदावर्ते यांनी केलं.
.png "Videos"){kind=small}
