शुक्रवार, 30 ऑक्टोबर 2026
एकनाथ शिंदे पुन्हा मुख्यमंत्री होणार? संजय शिरसाटांनी दिले मोठे संकेत
मुंबई : महाराष्ट्राच्या राजकारणात सध्या नेमकं काय शिजतंय, याचा अंदाज बांधणंही कठीण झालं आहे. विधान परिषद निवडणुकीच्या निकालानंतर भाजप आणि शिंदे सेनेतील वाद चांगलाच पेटला आहे. दोन्ही बाजूंचे नेते एकमेकांवर टीकेची झोड उठवत असतानाच राज्यात आता नव्या चर्चेला उधाण आलं आहे.
आता मंत्री संजय शिरसाट यांनी केलेल्या विधानाने राजकीय वर्तुळात जोरदार चर्चा सुरू झाली आहे. येत्या तीन ते चार महिन्यांत राज्याच्या राजकारणात मोठ्या घडामोडी घडतील, असं सूचक विधान त्यांनी केलं आहे. (Sanjay Shirsat)
शिवसेना आणि भाजपमध्ये कोणताही वाद नसल्याचं स्पष्ट करत संजय शिरसाट यांनी भाजप प्रवक्ते नवनाथ बन यांनाही सुनावलं. टीका करताना प्रत्येकाने आपली पातळी सांभाळावी, असा इशारा त्यांनी दिला. नवनाथ बन यांच्या वक्तव्याला मुख्यमंत्री देवेंद्र फडणवीस यांची मान्यता आहे का, असा सवालही त्यांनी उपस्थित केला.
महायुतीतील मित्रपक्षांनी शिवसेना नेत्यांवर आरोप करणे टाळावे; आनंद परांजपे यांचे आवाहन
मात्र, त्यांच्या पुढच्या विधानाने सगळ्यांच्याच भुवया उंचावल्या. येत्या तीन महिन्यांत राज्यात मोठ्या राजकीय घडामोडी घडणार असल्याचं ते म्हणाले. एकनाथ शिंदे यांनी पुन्हा मुख्यमंत्री व्हावं, यासाठी बरीच चर्चा सुरू असल्याचंही त्यांनी सांगितलं. शिंदे हे कॉमन मॅन असल्याचं सांगत त्यांनी मुख्यमंत्रीपदाच्या चर्चेला आणखी हवा दिली. एवढंच नाही, तर पुढील वर्ष शिवसेनेचं असेल, असंही शिरसाट यांनी स्पष्ट केलं.
दरम्यान, मुख्यमंत्री देवेंद्र फडणवीस, उद्धव ठाकरे आणि राज ठाकरे यांच्या बंद दाराआड झालेल्या चर्चेवरही शिरसाट यांनी प्रतिक्रिया दिली. नेत्यांच्या भेटीगाठी होत असतात. त्यामुळे लगेच नवीन राजकीय समीकरणं तयार झाली, असा अर्थ काढणं योग्य नाही, असं ते म्हणाले. मात्र, राज ठाकरे आणि भाजप नेते आशिष शेलार यांच्यात काही चर्चा झाली आहे का, हे पाहणं महत्त्वाचं असल्याचं सूचक विधानही त्यांनी केलं.
दुसरीकडे, शिंदे गटाचे आमदार संतोष बांगर यांनीही मुख्यमंत्रीपदाबाबत आपली भूमिका मांडली. एकनाथ शिंदे हेच महाराष्ट्राचे मुख्यमंत्री व्हावेत, ही प्रत्येक शिवसैनिकाची इच्छा असल्याचं ते म्हणाले. मंत्रिपदाची जबाबदारी मिळाल्यास मराठवाड्यासह आजूबाजूच्या भागात शिवसेना वाढवण्यासाठी काम करेन, असंही बांगर यांनी सांगितलं.
त्यामुळे शिरसाट आणि बांगर यांच्या विधानांमुळे राज्याच्या राजकारणात नव्या चर्चांना सुरुवात झाली आहे. पुढील काही महिन्यांत खरंच काही मोठा राजकीय निर्णय होणार का, की ही केवळ राजकीय विधानबाजी आहे, याकडे आता सर्वांचं लक्ष लागलं आहे.
Ans: येत्या तीन ते चार महिन्यांत महाराष्ट्राच्या राजकारणात मोठ्या घडामोडी घडणार असल्याचं संजय शिरसाट यांनी म्हटलं आहे.
Ans: एकनाथ शिंदे पुन्हा मुख्यमंत्री व्हावेत यासाठी बरीच चर्चा सुरू असल्याचं शिरसाट यांनी सांगितलं. त्यांच्या या विधानामुळे मुख्यमंत्रीपदाच्या चर्चेला पुन्हा जोर आला आहे.
Ans: एकनाथ शिंदे हेच महाराष्ट्राचे मुख्यमंत्री व्हावेत, ही प्रत्येक शिवसैनिकाची इच्छा असल्याचं आमदार संतोष बांगर यांनी म्हटलं आहे.
