Mallikarjun Kharge, Gyanesh Kumar, INDIA Alliance, Public Impeachment, Election Commission,
खर्गे यांनी आपल्या भाषणात मुख्य निवडणूक आयुक्त ज्ञानेश कुमार यांच्यावर सहा प्रमुख आरोप केले. यामध्ये निवडणुकांमध्ये हेराफेरी करण्याचा कट रचणे, १३.२ कोटी मतदारांची नावे वगळणे, ECINET च्या माध्यमातून मतदार याद्यांवरील नियंत्रण केंद्रीत करणे, संसदेच्या मंजुरीशिवाय फॉर्म ६ मध्ये फेरफार करणे, इतर दोन निवडणूक आयुक्तांना निर्णयप्रक्रियेपासून दूर ठेवणे आणि पंतप्रधान नरेंद्र मोदी व अमित शाह यांच्या निर्देशानुसार काम करणे, असे सहा आरोप खर्गे यांनी यावेळी केले आहेत.
केंद्रातील मोदी सरकारवर टिका करत ते म्हणाले की, “२०१४ पासून सत्ता मिळवण्यासाठी आणि ती टिकवून ठेवण्यासाठी प्रत्येक प्रकारचे प्रयत्न करण्यात आले. खासदारांना विकत घेण्यात आले, राजकीय पक्ष फोडले, सरकारे पाडण्यात आली. इलेक्टोरल बॉण्ड्स, ईडी आणि सीबीआयचा वापर करण्यात आला. आता मतांची चोरी केली जात आहे. आमच्याकडे मतचोरीची शेकडो उदाहरणे आहेत.”
मुख्य निवडणूक आयुक्त आणि इतर निवडणूक आयुक्तांच्या नियुक्तीशी संबंधित २०२३ च्या कायद्यावरही खर्गे यांनी आक्षेप घेतला. डिसेंबर २०२३ मध्ये विरोधी पक्षांचे १४५ खासदार निलंबित असताना हा कायदा मंजूर करण्यात आल्याचा आरोप त्यांनी केला. या कायद्यामुळे निवडणूक आयुक्तांना कायदेशीर संरक्षण मिळत असल्याची टीकाही त्यांनी केली.
खर्गे यांनी आपल्या भाषणाची सुरुवात सरदार वल्लभभाई पटेल आणि माजी पंतप्रधान इंदिरा गांधी यांच्या स्मरणाने केली. संविधानाने नागरिकांना मतदानाचा अधिकार दिला आहे; मात्र राष्ट्रीय स्वयंसेवक संघाला हा अधिकार मान्य नव्हता, असा आरोपही त्यांनी केला. “मुख्य निवडणूक आयुक्तांविषयी आमच्या मनात कोणताही वैयक्तिक राग नाही. आम्हाला केवळ निष्पक्ष निवडणुका हव्या आहेत. मात्र, मुख्य निवडणूक आयुक्त पंतप्रधानांच्या निर्देशांनुसार काम करत आहेत,” असे खर्गे म्हणाले.
आज मतदानाचा अधिकार धोक्यात असून लोकशाहीचे रक्षण करण्यासाठी विरोधक आपली संपूर्ण ताकद पणाला लावतील, असेही त्यांनी स्पष्ट केले. इंडिया आघाडीचा हा प्रतीकात्मक महाभियोग कार्यक्रम निवडणूक आयोगाच्या कार्यपद्धतीवर आणि मतदार याद्यांच्या विशेष सखोल पुनरीक्षण प्रक्रियेवर (SIR) प्रश्न उपस्थित करण्यासाठी आयोजित करण्यात आला होता.
𝐑𝐞𝐬𝐨𝐥𝐮𝐭𝐢𝐨𝐧 𝐅𝐨𝐫 𝐓𝐡𝐞 𝐏𝐮𝐛𝐥𝐢𝐜 𝐈𝐦𝐩𝐞𝐚𝐜𝐡𝐦𝐞𝐧𝐭 𝐎𝐟 𝐌𝐫. 𝐆𝐲𝐚𝐧𝐞𝐬𝐡 𝐊𝐮𝐦𝐚𝐫, 𝐂𝐡𝐢𝐞𝐟 𝐄𝐥𝐞𝐜𝐭𝐢𝐨𝐧 𝐂𝐨𝐦𝐦𝐢𝐬𝐬𝐢𝐨𝐧𝐞𝐫 𝐎𝐟 𝐈𝐧𝐝𝐢𝐚. 𝐓𝐇𝐄 𝐒𝐈𝐗 𝐂𝐇𝐀𝐑𝐆𝐄𝐒 𝐀𝐆𝐀𝐈𝐍𝐒𝐓 𝐇𝐈𝐌 👇 1️⃣ Conspired to Steal Elections 2️⃣ Deleted 13.2 Crore Voters 3️⃣ Rewrote Form 6 Without Parliamentary Oversight or Knowledge 4️⃣ Seized the Electoral Rolls Through ECINET 5️⃣ Shut Out the Other Two Commissioners 6️⃣ Acted at the Behest of Modi and Shah : Congress President Shri @kharge at the Public Impeachment of CEC Gyanesh Kumar — Congress (@INCIndia) October 31, 2026
Ans: खर्गे यांनी निवडणुकांमध्ये हेराफेरीचा कट, १३.२ कोटी मतदारांची नावे वगळणे, ECINET द्वारे मतदार याद्यांवर नियंत्रण, संसदेच्या मंजुरीशिवाय फॉर्म ६ मध्ये फेरफार करणे, इतर आयुक्तांना दूर ठेवणे आणि सत्ताधाऱ्यांच्या निर्देशानुसार काम करणे हे ६ प्रमुख आरोप केले आहेत.
Ans: हा प्रतीकात्मक 'जनतेचा महाभियोग' कार्यक्रम दिल्लीतील मल्लिकार्जुन खर्गे यांच्या निवासस्थानी पार पडला असून, याचे अध्यक्षस्थान माजी लोकसभा अध्यक्ष मीरा कुमार यांनी भूषवले.
Ans: विरोधी पक्षांचे १४५ खासदार निलंबित असताना हा कायदा मंजूर करण्यात आला होता आणि यामुळे निवडणूक आयुक्तांना अवाजवी कायदेशीर संरक्षण मिळत आहे, असा आक्षेप खर्गे यांनी घेतला.
.png "Videos"){kind=small}
