abduk sattar on audio clip
Manoj Jarange Patil Audio Clip Controversy : मराठा आंदोलक मनोज जरांगे पाटील यांनी फोडलेल्या ऑडिओ क्लिप बॉम्बवरून राज्यात मोठी खळबळ उडाली आहे. उपमुख्यमंत्री एकनाथ शिंदे यांनी जरांगे पाटलांना देण्यासाठी भाजपकडून 500 कोटी रुपये घेतल्याचा उल्लेख या ऑडिओ क्लिपमध्ये करण्यात आला आहे. या प्रकरणामुळे राज्यातील राजकीय वर्तुळात गंभीर सवाल उपस्थित केले जात असून यावर विविध राजकीय प्रतिक्रिया, आरोप – प्रत्यारोप व्हायला सुरुवात झाली आहे.
शिवसेना शिंदे गटाच्या नेत्यांनी काल रात्रीच मुख्यमंत्री देवेंद्र फडणवीस यांची भेट घेऊन या प्रकरणाची सखोल चौकशी करण्याची मागणी केली. अश्यातच आता शिंदे गटाचे नेते अब्दुल सत्तार यांनी यावरून गंभीर शंका उपस्थित केली आहे.
अब्दुल सत्तार यांनी माध्यमांशी बोलताना या कथित क्लिपमागे राजकीय षडयंत्र असण्याची शक्यता व्यक्त केली. एकनाथ शिंदे भविष्यात पुन्हा मुख्यमंत्री होऊ शकतात. त्यामुळे त्यांची प्रतिमा खराब करण्यासाठी हा सगळा प्रकार केला जात आहे का, याची चौकशी व्हायला हवी, असं सत्तार यांनी म्हटलं.
ही क्लिप कृत्रिम बुद्धिमत्तेच्या (AI) मदतीने तयार करण्यात आली असण्याची शक्यताही सत्तार यांनी नाकारलेली नाही. त्यामुळे या प्रकरणाची उच्चस्तरीय चौकशी झाली पाहिजे, अशी त्यांची मागणी आहे. ही क्लिप नेमकी कुणाकडून आली, ती कुणी दिली आणि त्यामागचा उद्देश काय होता, याचा शोध घेतला पाहिजे, असं ते म्हणाले.
दरम्यान, मराठवाडा पदवीधर मतदारसंघाच्या निवडणुकीवरही सत्तार यांनी भाष्य केलं. मतदानाच्या सुरुवातीच्या दोन तासांत मतदारांमध्ये फारशी उत्सुकता दिसली नसल्याचं त्यांनी सांगितलं. यंदा लढत तुल्यबळ असून मतदारांचा कौल वेगळा असू शकतो, असा अंदाजही त्यांनी व्यक्त केला.
महायुतीच्या विरोधात आपली भूमिका कायम असल्याचं सत्तार यांनी स्पष्ट केलं. सतीश चव्हाण यांना आपला पाठिंबा नसून प्रतापसिंह पाटील यांच्या प्रचाराला सुरुवात केल्याचं त्यांनी सांगितलं. वारंवार भूमिका बदलल्यास पक्षाची आणि नेत्याची विश्वासार्हता कमी होते, असंही ते म्हणाले.
Ans: क्लिपमध्ये एकनाथ शिंदे यांना देण्यासाठी भाजपकडून 500 कोटी रुपये घेतल्याचा उल्लेख असल्याचा दावा केला जात आहे.
Ans: ही क्लिप AI च्या मदतीने तयार केली असण्याची शक्यता असल्याचं सत्तार यांनी म्हटलं. तसेच एकनाथ शिंदेंना बदनाम करण्याचा कट आहे का, याची उच्चस्तरीय चौकशी करण्याची मागणी केली.
Ans: यंदा तुल्यबळ लढत दिसत असून निवडणुकीत बदल होण्याची शक्यता असल्याचा अंदाज सत्तार यांनी व्यक्त केला. त्यांनी सतीश चव्हाण यांना पाठिंबा नसल्याचं सांगत प्रतापसिंह पाटील यांच्या प्रचाराला सुरुवात केल्याचंही स्पष्ट केलं.
.png "Videos"){kind=small}
