कथित ऑडिओ क्लिपने राजकारण तापले
या सर्व प्रकारामागे शंभर टक्के राजकीय षडयंत्र आणि गलिच्छ राजकारण दडलेले स्पष्टपणे दिसून येत आहे. मनोज जरांगे हे स्वतःच्या मनाचे न बोलता कोणाची तरी सुपारी घेऊन, असे वक्तव्य करत असल्याचा गंभीर आरोप गृहराज्यमंत्री योगेश कदम यांनी केला. या संपूर्ण प्रकरणात मराठा समाजाच्या हिताचा कोणताही विचार केलेला नाही, असेही त्यांनी यावेळी स्पष्टपणे नमूद केले.
तत्कालीन मुख्यमंत्री एकनाथ शिंदे यांनी मराठा समाजाला १० टक्के आरक्षण मिळवून देण्यासाठी प्रामाणिक आणि महत्वपूर्ण प्रयत्न केले होते, त्यांनी दिलेले आरक्षण कोर्टातही टिकवून दाखवले. त्यामुळे मराठा समाजाच्या दृष्टीने त्यांनी मोलाचे कार्य केले आहे. अशा लोकनेत्यावर सातत्याने टीका करताना आणि खोटे आरोप करताना मनीज जरागे यांना लाज वाटली पाहिजे, कोणत्याही ठोस पुराव्याशिवाय ऑडिओ क्लिप सादर करून राजकीय फायदा लाटण्याचा प्रयत्न अत्यंत दुर्दैवी मानला जात आहेजरांगे यांनी यापूर्वी निर्माण केलेली आपली स्वतःची विश्वासार्हता आणि पातकी आता स्वतःच खाली आणली आहे.
महायुतीतील ऐक्य अबाधित
राजकीय स्वार्थासाठी मराठा आरक्षणाच्या आंदोलनाचा वापर केला जात असल्याचा संशय आता व्यक्त केला जात आहे. मराठा समाजाच्या हितापेक्षा राजकीय आकासापोटी है आरोप केले जात असल्याचा घणाघात मंत्री योगेश कदम यानी केला आहे. या ऑडिओ क्लिप प्रकरणानंतर महायुतीमध्ये वाद निर्माण करण्याचा आणि वातावरण बिघडवण्याचा प्रयत्न केला जात असल्याचे विचारले गेले, त्यावर बोलताना कदम म्हणाले, या राजकीय आरोपांचा महायुतीच्या संबंधांवर कोणताही परिणाम होणार नाही.
शिवसेना आणि भाजप हे दोन्ही पक्ष अत्यंत मजबूतीने आणि एकजुटीने महाराष्ट्राच्या विकासासाठी काम करत आहेत. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी अडीच वर्षांत राज्यात अत्यंत प्रभावी काम केले आहे. पूर्वी फडणवीस मुख्यमंत्री असताना शिंदे यांनी त्यांना पूर्ण साथ दिली होती, तर आता शिंदे याच्यासोबत फडणवीस खंबीरपणे उभे आहेत. अशा प्रकारे परस्परांना साथ देत महायुतीचे सर्व नेते राज्याला पुढे नेण्याचे काम करत आहेत. एका व्यक्तीने अशा प्रकारची नाहक आणि बेछूट वक्तव्ये केल्याने महायुतीमधील वातावरण अजिबात खराब होणार नाही, असे मंत्री कदम म्हणाले,
Ans:
.png "Videos"){kind=small}
