BJP MLA assaults rickshaw driver : भाजप आमदारांना कसला माज? मुंबईमध्ये रिक्षा चालकाला मारहाण, ठाकरे गट आक्रमक

घाटकोपरमध्ये भाजप आमदार पराग शाह यांनी मराठी रिक्षा चालकाला मारहाण करत कानशिलात लगावली. याचा व्हिडिओ सोशल मीडियावर व्हायरल झाल्यानंतर ठाकरे गटाने आक्रमक भूमिका घेतली.

• घाटकोपरमध्ये मराठी रिक्षा चालकाला मारहाण
• भाजप आमदार पराग शाह यांनी रिक्षा चालकाच्या कानशिलात लगावली
• खासदार संजय राऊतांनी घेतली आक्रमक भूमिका

MLA Parag Shah assaults rickshaw driver : मुंबई : घाटकोपरमध्ये रिक्षाचालकाला भररस्त्यामध्ये मारहाण केल्याचा प्रकार घडला. आश्चर्याची बाब म्हणजे ही मारहाण भाजप (BJP Politics) आमदारांकडून करण्यात आली आहे. शुक्रवारी भाजप आमदार पराग शाह यांनी एका रिक्षा चालकाला भररस्त्यात कानशिलात लगावली. तसेच या रिक्षाचालकाला शिवीगाळ देखील केली. याचा व्हिडिओ आता सोशल मीडियावर तुफान व्हायरल (Viral News) असून आमदारांना कसला माज आहे असा सवाल नेटकरी उपस्थित करत आहेत. या घटनेच्या विरोधात ठाकरे गटाने देखील आक्रमक भूमिका घेतली आहे.

वाहतुकीचे नियम मोडणाऱ्या आणि फुटपाथवर बस्तान मांडणाऱ्या दुकानदार तसेच अनधिकृत फेरीवाल्यांच्या विरोधात आमदार पराग शाह यांनी घाटकोपर येथे आंदोलन केलं होतं. त्यावेळी हा प्रकार घडला. भाजप आमदार पराग शाह यांनी एका रिक्षा चालकाला मारहाण केली. रिक्षा चालकाने वाहतुकीचे नियम मोडल्यामुळे पराग शाह यांचा राग अनावर झाला. मात्र रिक्षा चालकाने नियम मोडले असले तरी त्याच्यावर अशा पद्धतीने हात उचलणं आणि कायदा हातामध्ये योग्य आहे का असा प्रश्न उपस्थित केला जात आहे.

हे देखील वाचा : निवडणुकीमध्ये पैशांची गारपीट…! तेच मशीन सेटिंग अन् तोच आकडा; संजय राऊतांचा चढला पारा

मुंबईतील घाटकोपर पूर्वेकडील भागात वाहतूक नियमांचे उल्लंघन आणि पदपथांवर अतिक्रमण होत असल्याच्या अनेक तक्रारी येत होत्या. वल्लभबाग लेन आणि खौगली भागात अनेक दुकानदारांनी पदपथावर खुर्च्या आणि बाकडे ठेवून अतिक्रमण केलं होतं. त्यानंतर भाजपचे घाटकोपर पूर्वचे आमदार पराग शाह यांनी या भागाला भेट दिली. पराग शाहांच्या या भेटीदरम्यान, महात्मा गांधी मार्गावर वाहतूक नियमांचे उल्लंघन करत, चुकीच्या दिशेने गाडी चालवत एक रिक्षा चालक आला. त्या वेळी पराग शाह यांनी त्या रिक्षा चालकाला मारहाण केली.

See more

“BJP MLA Slapped an Auto Driver.” 🚨 A video of BJP’s MLA Parag Shah went viral after he slapped an Auto-Rickshaw driver in Ghatkopar, Maharashtra. Utterly shameful! This is how the BJP treats common people. pic.twitter.com/ACtPwmTPZ7 — Suraj Kumar Bauddh (@SurajKrBauddh) December 21, 2025

हे देखील वाचा : महायुतीच्या विजयानंतर पंतप्रधान मोदींनी आणि गृहमंत्री अमित शाह यांनी मानले जनतेचे आभार; म्हणाले…

खासदार संजय राऊत यांनी या मराठी रिक्षाचालकाला केलेल्या मारहाणीचा तीव्र शब्दांत निषेध केला आहे. संजय राऊत म्हणाले की, भाजपचे आमदार पराग शाह हे रस्त्यावर उतरुन एका मराठी रिक्षावाल्याला मारतात. तो रिक्षावाला चुकला असेल, त्याने नियम मोडला असेल. पण भाजपचे सरकार रोज नियम मोडत आहे. भाजपने नियमबाह्य पद्धतीने मुंबई अदानीला देऊन टाकली. मग पराग शाह जाऊन अदानींची कॉलर पकडणार आहेत का, त्यांच्यात एवढी हिंमत आहे का? पराग शाह हे देवेंद्र फडणवीसांना मिठागाराची आणि धारावीची जमीन अदानींना दिल्याबद्दल जाब विचारणार आहेत का? असा सवाल संजय राऊत यांनी उपस्थित केला आहे.