Eknath Shinde
MLC Election 2026 : विधान परिषदेच्या पाच जागांच्या निवडणुकीनंतर महाराष्ट्राच्या राजकारणात नव्या चर्चेला सुरुवात झाली आहे. या निवडणुकीत महायुतीला अपेक्षित यश मिळाले नसल्याचे चित्र समोर आले असून, पाचपैकी दोन जागांवर महायुतीचे, तर तीन जागांवर महाविकास आघाडीच्या उमेदवारांनी विजय मिळवला आहे. या निकालानंतर भाजपकडून शिवसेनेच्या शिंदे गटाच्या भूमिकेवर प्रश्न उपस्थित केले जात आहेत.
भाजप मंत्री मितेश राणे यांनी सकाळीच पत्रकार परिषद घेऊन शिवसेना शिंदे गटाच्या नेत्यांवर टीका केली होती. भाजपकडून शिवसेना शिंदे गटावर आरोप करण्यात येत असून यावर आता उपमुख्यमंत्री एकनाथ शिंदे यांनी आपली भूमिका स्पष्ट केली.
शिवसेना नेहमीच युतीधर्म पाळत आली आहे, असे शिंदे यांनी ठामपणे सांगितले. भाजप आणि शिवसेनेमध्ये चार ठिकाणी युती होती. पुणे मतदारसंघात शिवसेना पुरस्कृत उमेदवार आणि भाजपच्या उमेदवारामध्ये मैत्रीपूर्ण लढत होती, असेही त्यांनी नमूद केले.
युतीमध्ये असताना सहकारी पक्षाला साथ देणे आणि ठरलेली भूमिका निभावणे महत्त्वाचे आहे, अशी शिवसेनेची भूमिका राहिली आहे, असे शिंदे म्हणाले. त्यामुळे निवडणुकीच्या निकालानंतर सुरू झालेल्या आरोपांवरून महायुतीमधील राजकीय वातावरण पुन्हा चर्चेत आले आहे.
राजकीय घडामोडींवर बोलतानाच शिंदे यांनी दुष्काळ आणि शेतकऱ्यांच्या प्रश्नांवरही भाष्य केले. शेतकऱ्यांच्या अडचणी, मुला-मुलींच्या लग्नाची जबाबदारी आणि शेतीशी संबंधित प्रश्नांमध्ये सरकार शेतकऱ्यांच्या पाठीशी ठामपणे उभे असल्याचे त्यांनी सांगितले.
मुख्यमंत्री आणि उपमुख्यमंत्र्यांनी मदतीची घोषणा केली असून, साडेसात हजार कोटी रुपयांची तरतूद करण्यात आल्याचे शिंदे यांनी नमूद केले. ही रक्कम तातडीच्या मदतीसाठी असून, दुष्काळग्रस्तांना लागू असलेल्या इतर सवलतींचाही लाभ मिळणार असल्याचे त्यांनी स्पष्ट केले.
शाळेची फी आणि इतर सवलतींबाबतही सरकार सकारात्मक असल्याचे सांगत, शेतकऱ्यांना मदत मिळेल, असा विश्वास त्यांनी व्यक्त केला.
एकीकडे विधान परिषद निकालावरून महायुतीतील समन्वयाची चर्चा सुरू असताना, दुसरीकडे दुष्काळग्रस्त शेतकऱ्यांना मदत पोहोचवण्यावर सरकार भर देत असल्याचा दावा शिंदे यांनी केला. आता भाजपकडून या निकालाबाबत पुढे काय भूमिका घेतली जाते आणि महायुतीतील आरोप-प्रत्यारोपांना कोणते वळण मिळते, याकडे राजकीय वर्तुळाचे लक्ष लागले आहे.
Ans: पाचपैकी दोन जागांवर महायुतीचे उमेदवार विजयी झाले, तर तीन जागांवर महाविकास आघाडीने विजय मिळवला.
Ans: शिवसेना नेहमीच युतीधर्म पाळत आली आहे आणि युतीधर्म पाळावा, हीच पक्षाची भूमिका राहिली आहे, असे एकनाथ शिंदे यांनी सांगितले.
Ans: सरकारने शेतकऱ्यांच्या मदतीसाठी साडेसात हजार कोटी रुपयांची तरतूद जाहीर केली आहे. तातडीच्या आर्थिक मदतीसोबतच शैक्षणिक शुल्क आणि इतर सवलतींचाही लाभ मिळणार असल्याचे एकनाथ शिंदे यांनी सांगितले.
.png "Videos"){kind=small}
