'फोडाफोडीची नशा चढली, उद्या फडणवीसांनाही फोडतील'; ऑपरेशन टायगर'वर संजय राऊतांचा पलटवार
खासदार संजय राऊत यांनी मुंबईमध्ये माध्यमांशी संवाद साधला. यावेळी त्यांनी अनेक राजकीय विषयांवर भाष्य केले असून शिंदेसेनेवर जोरदार हल्लाबोल केला. उद्धव ठाकरे यांचे नेते फोडण्याचे प्रयत्न सुरु असल्याची चर्चा आहे. याबाबत खासदार राऊत म्हणाले की, “बघा ऑपरेशन जे असतं ना ते एकदाच केलं जातं. वारंवार एखाद्या शरीराचं जे ऑपरेशन करतात असं म्हणतात, तेव्हा ते डेडबॉडीचं ऑपरेशन असतं. ती डेडबॉडी नेतात ना.. आणि डेडबॉडी सध्या त्यांच्या पक्षाची ( शिंदे गट) देवेंद्र फडणवीसांनी केलेली आहे. खर म्हणजे ऑपरेशन सध्या जे सुरू आहे, ते देवेंद्र फडणवीस, एकनाथ शिंदेंच्या पक्षाचं करत आहे,” अशा शब्दांत संजय राऊत यांनी शिंदेसेनेला धारेवर धरले.
हे देखील वाचा : महाराष्ट्रात पुन्हा राजकीय भूकंप होणार, ८ खासदारांची ठाण्यात गुप्त बैठक? शिंदेंचे ‘ऑपरेशन टायगर’ सक्रिय
पुढे राऊत म्हणाले की, “शिवसेनेचे 9 खासदार, हे एकजुटीने एकत्रित आहेत. काही नावं ऐकून मलाच हसायला आलं. कुठेतरी ते छापून आलं, मला पाठवलं ते. अत्यंत हास्यास्पद आणि मूर्खपणाचं आहे. ज्या कोणी ही बातमी दिली आहे, त्याने स्वत:चं हसं करून देणारी बातमी दिली आहे. कोणाकोणाची नावं त्यात टाकलीत, उद्या माझंही नाव त्यात टाकतील, आमच्या आदित्य ठाकरे यांचंही नाव टाकतील ना. काही नाही सध्या अशा ज्या बातम्या पेरल्या जात आहेत, वातवरण गरम करण्यासाठी किंवा काहीतरी घडामोड करतोय हे दाखवण्यासाठी, ही पत्रकारिता पूर्णपणे चुकीची आहे,” अशी टीका राऊतांनी केली.
हे देखील वाचा : पीकविम्यावरून शेतकऱ्यांची फसवणूक; ३३४ हप्ता भरूनही फक्त १८३ रुपयांची भरपाई
त्याचबरोबर बारामतीच्या पोटनिवडणुकीमधून काँग्रेस पक्षाने माघार घेतली. यावर ते म्हणाले की, “काँग्रेसने बारामतीतून माघार घेतली, कारण त्यांना अनेकांनी विनंती केली. राष्ट्रवादाची धोरणात्मक मागणी होती. अजित पवारांच्या निधनाची चौकशी व्हावी. भारतीय जनता पक्षाने पोटनिवडणुकीची परंपरा मोडली. राहुरीची आणि बारामतीच्या निवडणुकीत फरक आहे, त्यात तुलना करू नका. भाजपने सुशिक्षितपणा आणि सभ्यपणा निवडणुकीत कधी दाखवला नाही,” अशी प्रतिक्रिया ठाकरे गटाचे खासदार संजय राऊत यांनी दिली.
.png "Videos"){kind=small}
