पेट्रोल डिझेलची भाववाढ सुरूच, ग्रामीण भागात शेतकऱ्यांना डिझेल नाही, मुख्यमंत्री फडणवीस यांनी दिले आदेश

देशभरातल्या वाढत्या इंधन दरांमुळे सध्या नागरिकांमधे तणावाचे वातावरण निर्माण झाले आहे. गेल्या आठ दिवसांत पेट्रोल आणि डिझेलच्या दरात तिसऱ्यांदा वाढ झाली आहे. इंधनाचे दर वाढत असल्याने राज्यात सध्या बिकट परिस्थितीव निर्माण झाला आहे.

• वाढत्या इंधन दरांमुळे सध्या नागरिकांमधे तणावाचे वातावरण, ग्रामीण भागात पेट्रोल पंपावर मोठी गर्दी
• शेतकऱ्यांना पेरणीसाठी ट्रॅक्टरला डिझेल मिळत नसल्याचे चित्र
• मुख्यमांत्री देवेंद्र फडणवीस यांचे पेट्रोल डिझेल टंचाईबाबत जिल्हा प्रशासनाला निर्देश

देशभरातल्या वाढत्या इंधन दरांमुळे सध्या नागरिकांमधे तणावाचे वातावरण निर्माण झाले आहे. गेल्या आठ दिवसांत पेट्रोल आणि डिझेलच्या दरात तिसऱ्यांदा वाढ झाली आहे. इंधनाचे दर वाढत असल्याने राज्यात सध्या बिकट परिस्थितीव निर्माण झाला आहे. विशेषतः ग्रामीण भागात नागरिक पेट्रोल पंपावर मोठी गर्दी करताना दिसत असून नागरिकांनी पेट्रोल – डिझेल घेण्यासाठी हातात कॅन बाटल्या घेऊनं गर्दी केली आहे. यामुळे पेट्रोल डिझेलचा खप अचानक वाढल्याचे दिसत आहे. राज्यातही हिंगोली, परभणी, वाशीम आणि बुलढाणा या जिल्ह्यांमध्ये पेट्रोल डिझेलची प्रचंड टंचाई निर्माण झाली आहे. विशेषकरून शेतकऱ्यांना पेरणीसाठी ट्रॅक्टरला डिझेल मिळत नसल्याचे दिसत आहे. यामुळे शेतकरीवर्ग हवालदिल झाला आहे. यावरून आता मुख्यमांत्री देवेंद्र फडणवीस यांनी मोठे पाऊल उचलत पेट्रोल डिझेल टंचाईबाबत जिल्हाधिकाऱ्यांना निर्देश दिले आहेत.

मुख्यमंत्री देवेंद्र फडणवीस यांनी आज (शनिवार, २२ मे) शिर्डी येथे प्रसारमाध्यमांशी संवाद साधला. ते यावेळी म्हणाले, “शेतकऱ्यांना जे काही डिझेल लागेल ते ते उपलब्ध करवून द्या असे आदेश मी जिल्हा प्रशासनाला दिले आहेत. पण शेतकऱ्यांच्या नावाखाली कोणी साठेबाजी करत असेल तर त्यांच्यावर लक्ष ठेवा. कारण काही भागात डिझेलची मागणी २० ते ३० टक्क्यांनी वाढली आहे. अश्याप्रकारे डिझेलची मागणी अचानक वाढत असेल तर काहीतरी गडबड असण्याची शक्यता आहे. शेतकऱयांना त्रास होऊ नये यासाठी मी उपाययोजना करायला सांगितले आहे. काही ठिकाणी जिल्हाधिकाऱ्यांनी आरसी बुक बघून त्यांना डिझेल देणे सुरु केले आहे,” असे ते यावेळी म्हणाले.

पेट्रोल पंपावर लोकांची झुंबड, व्हायरल व्हिडियोवरून विरोधकांनी सत्ताधाऱ्यांना सुनावले

सोशल मीडियावर सध्या एक व्हिडियो तुफान व्हायरल होत असून भारतातील इंधन टंचाईचे भीषण वास्तव यातून समोर येताना दिसत आहे. बुलढाण्यात लोणार येथील एका पेट्रोल पंपावर पेट्रोल – डिझेल घेण्यासाठी लोकांची झुंबड उडाल्याची व्हिडियो सध्या प्रचंड व्हायरल होत आहे. या व्हिडियोत शेकडो लोक हातात कॅन घेऊन पेट्रोल पंपच्या दिशेने पळत असल्याचे दिसत आहे. आता या व्हिडियोवरून राज्यातील विरोधकांनी सत्ताधारी नेत्यांवर चांगलीच आगपाखड केली आहे. लवकरच महाराष्ट्रात मान्सूनचे आगमन होणार आहे. याआधी शेतकऱ्यांनी पेरणीच्या कामाला सुरुवात करण्यात येत आहे. मात्र पेरणीसाठी ट्रॅक्टरमध्ये डिझेल उपलबध होत नसल्याने शेतकरी हवालदिल झाल्याचे चित्र पाहायला मिळत आहे.

“भाजपाने वोटचोरी करून महाराष्ट्रात सत्ता मिळवली, मतदारयादीत घोळ करणा-यांना जेलमध्ये जावे लागेल,” – हर्षवर्धन सपकाळ