
Extension of time for young women to get their period during women police recruitment
पोलीस भरतीवेळी मासिक पाळी आल्यास आरोग्य तपासणीनंतर पाच ते सहा दिवसांची मुदतवाढ दिली जाणार आहे. गृहराज्यमंत्री योगेश कदम यांनी याबाबत माहिती दिली आहे. शारीरिक चाचणीच्या दिवशी मासिक पाळी आल्यस पोटात कळा, कंबरदुखी किंवा अशक्तपणा येऊ शकतो. या विपरित परिणाम हा धावण्याचा गतीवर होण्याची शक्यता असते. यामुळे राज्य सरकारकडून हा महत्त्वपूर्ण निर्णय घेण्यात आला आहे.
पोलीस भरतीसाठी महिला उमेदवारांकडून अनेक महिने अथक मेहनत घेतली जाते. विशेषतः ग्रामीण आणि दुर्गम भागातील तरुणी दररोज धावणे, व्यायाम आणि अन्य शारीरिक सराव करून भरतीची तयारी करतात. मात्र, शारीरिक चाचणीच्या दिवशी मासिक पाळी आल्यास अनेक महिलांना पोटदुखी, कंबरदुखी, अशक्तपणा किंवा अन्य शारीरिक त्रासाचा सामना करावा लागू शकतो. त्याचा परिणाम धावण्याच्या वेगासह शारीरिक कामगिरीवर होण्याची शक्यता असते.
मेहनत करूनही केवळ त्या दिवसाच्या शारीरिक अडचणीमुळे उमेदवारीची संधी गमावण्याची शक्यता निर्माण होते. प्रत्येक स्त्रीला कमी-अधिक प्रमाणात मासिक पाळीचा त्रास होत असतो. पण याचा परिणाम पोलीस भरतीच्या संधीवर न होण्यासाठी सरकारने महत्त्वपूर्ण निर्णय घेतला आहे.
सध्या योगेश कदम यांचे मिशन खाकी सुरू असून या अंतर्गत ते पोलीस भरती व अग्निवीर भरतीची तयारी करणाऱ्या तरुण-तरूणींची भेट घेत आहेत. त्यांच्या समस्या जाणून घेत असून शासनामार्फत त्या मार्गी लावण्याचा प्रयत्न करत आहेत. योगेश कदम यांनी मुलांना सरावासाठी मैदाने उपलब्ध करून देण्याचे प्रयत्न केले आहेत. त्याचबरोबर आता पोलीस भरतीसाठी प्रयत्न करणाऱ्या तरुणींसाठी महत्त्वाचा निर्णय राज्य सरकारकडून घेण्यात आला आहे.
Ans: शारीरिक चाचणीच्या दिवशी मासिक पाळी आल्यास आरोग्य तपासणीनंतर संबंधित महिला उमेदवाराला पुढील काही दिवसांत चाचणी देण्याची संधी मिळणार आहे.
Ans: दिलेल्या माहितीनुसार, आरोग्य तपासणीनंतर पाच ते सहा दिवसांची मुदतवाढ देण्यात येणार आहे.
Ans: गृहराज्यमंत्री योगेश कदम यांनी या निर्णयाची माहिती दिली आहे.