महानगरपालिका निवडणुकीच्या पार्श्वभूमीवर राजकीय आखाडा सज्ज; भाजप, काँग्रेसच्या इच्छुक उमेदवारांमध्ये संघर्ष

तज्ञांच्या मते, आरक्षण निश्चित झाल्यानंतर, दक्षिण-पश्चिम, पश्चिम आणि पूर्वतील अनेक प्रभाग अनेक माजी नगरसेवकांसाठी सुरक्षित असल्याचे दिसून येते, परंतु त्यांची तिकिटे असुरक्षित असू शकतात.

नागपूर : महानगरपालिकेचा राजकीय आखाडा आता तयार असून, लवकरच सर्व राजकीय पक्ष प्रभागात विजयासाठी संभाव्य उमेदवारांची चाचपणी सुरू करतील. परिणामी, प्रमुख पक्ष, भाजप आणि काँग्रेसमधील संघर्ष निर्विवाद आहे. याचा सर्वाधिक फटका भाजपला बसणार असल्याचे राजकीय तज्ज्ञांचे मत आहे. ज्या २८ जागांचे आरक्षण बदलले, त्या जागांवर अनेक अनुभवी नगरसेवकांना मोठा धक्का बसला. ते आता इतर जागांसाठी स्पर्धा करत आहेत, परंतु भाजप आधीच नवीन उमेदवार उभे करण्याचा विचार करत असल्याने त्यांच्या अपेक्षांना धक्का बसण्याची शक्यता आहे.

भाजप गेल्या १५ वर्षांपासून महापालिकेत सत्तेत आहे. या १५ वर्षांत अनेक नगरसेवकांनी त्यांचा तिसरा कार्यकाळ पूर्ण केला. काही भाजप नगरसेवकही सलग २०-२५ वर्षांपासून महानगरपालिकेच्या निवडणुका लढवित आहेत. आता अशा नगरसेवकांबद्दल भाजप कार्यकर्त्यांमध्ये ‘किती काळ?’ असा प्रश्न मांडला जात आहे. कार्यकर्त्यांच्या मते त्यांच्याच कुटुंबातील महिलेला तिकीट दिले जाते. यामुळे वर्षानुवर्षांपासून काम करणाऱ्या कार्यकर्त्यांमध्ये निराशा पसरली आहे.

दरम्यान, भाजपकडे १०८ नगरसेवक होते. भाजपने आधीच अनौपचारिकरित्या जाहीर केले होते की, एका सर्वेक्षणाच्या आधारे गुणवत्तेनुसार तिकिटे दिली जाईल, त्यानंतर अनेक माजी नगरसेवक आणि माजी नगरसेविकांचे पती नेत्यांभोवती फिरू लागले.

कार्यकर्ते वाढवत आहेत नेत्यांशी जवळीक

आरक्षणानंतर बदलेल्या समीकरणांमुळे आता असे माजी नगरसेवक आणि कार्यकर्ते नेत्यांशी जवळीक दाखवित आहेत. अशा अनेक प्रमुख कार्यकत्यांनी तिकिटे मिळविली तरी, इतर इच्छुकांना नाराज करून प्रभागात निवडणूक जिंकणे कठीण आहे.

प्रभाग सुरक्षित, तिकिटे असुरक्षित

तज्ञांच्या मते, आरक्षण निश्चित झाल्यानंतर, दक्षिण-पश्चिम, पश्चिम आणि पूर्वतील अनेक प्रभाग अनेक माजी नगरसेवकांसाठी सुरक्षित असल्याचे दिसून येते, परंतु त्यांची तिकिटे असुरक्षित असू शकतात.